Hosea 3:5 - ICIGHAN BIBILO

⁵ ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Hosea 3:5 Iomraidhean Croise

1 Utor 12:16

Zum u Iserael cii ve nenge er tor wa ve iko ga yô, ior gema kaa a tor er: Kwar wase shi ngu ken Davidi hana? Se kera mba a dyako ken wan u Yese kpaa ga; hide nen hen utenti enev ne Iserael; yô, gba nôngon sha ya wou iyol you tsô Davidi. Nahan Iserael hembe yem hen utenti vev.

Yesaia 17:7

Sha iyange la or nana nenge sha u A gbe nan la, ashe a nan kpaa aa gema hen Icighan u Iserael.

Yesaia 2:2

Sha ayange a masetyô yô, uwo u iyou i TER ua tile dông, ua tav sha ua hemba iwo cii, á kende u sha, ua hemba agungu; akuraior cii aa kôndo sha u iuu.

Yesaia 2:3

Ior kpishi vea za, vea kaa er: Va sé kôndo nen sha uwo u TER, sha iyou i Aôndo u Yakob, A̱ tese se igbenda Na, se kpaa sé zende sha igbenda Na; gadia ka ken Shion man tindi una due ye, kua kwaghôron u TER kpaa ken Yerusalem.

Yesaia 60:5

Nahan wea nenge man ishigh you kia engem sha iember, ishima you ia tsuwe, ia bugh ia gbanger; gadia inyaregh ki zegemnger kia gema á va hen a we, man akaa a injaa a akuraior kpaa aa va her a we.

Yesaia 9:13

Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Yeremia 30:24

Ishima i vihin i TER ia hide ga, saa Una kure man Una er awashima Na; sha ayange a masetyô yô, né va kav inja i kwagh ne.

Yeremia 30:9

kpa vea er TER, Aôndo ve, tom, kua tor ve Davidi u Me ver ve la.

Yeremia 33:17

Gadia kape TER A kaa ne, er: Or nana ban Davidi u nana tema sha ikônough ki torough ki ya u Iserael mayange ga;

Yeremia 33:9

Tsô gar ne una hingir Mo iti i iember, man kwagh u iwuese man u icivirigh, sha ishigh ki akuraior a sha won cii, a aa ungwa akaadoon a M eren a ve la cii; man aa cia, aa gbidye akarkase iyol sha ci u akaadoon cii man mkpeyol cii mba M ne un la.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Esekiel 38:16

wea va ta sha ior Av Iserael er ibeenegh ki ki cir tar nahan; kwagh ne una va er sha ayange a masetyô la; sha shighe la, Me va a we sha u u̱ va nôngo ityav a tar Wam sha u akuraior a̱ fam yô, zum u Me tese mtsegh Wam ken a we sha ashe ve la, we Gogi.

Esekiel 38:8

Ayange á va kar kera kpishi yô, á umbur we; ken anyom a masetyô yô, wea va ken tar u i ser u, u sanker lu vihi la, hen ior i i kohol ve ken akuraior kpishi, i va a ve sha iwo i Iserael, i i lu ice gbem la, kpa i due a ve ken akuraior, man ve cii vea tema bem bem.

Daniel 10:14

Hegen yô, m va sha u me na u ú kav kwagh u una va er ior ou sha ayange a masetyô yô, gadia mpase ne ngu sha kwagh u ayange a ken hemen ca.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Hosea 1:11

Tsô ônov mba Yuda man ônov mba Iserael vea kohol imôngo, man vea ver or môm nana lu ityough sha a ve, vea due ken tar la; gadia iyange i Yesereel ia lu iyange i vesen je.

Hosea 11:10

Vea zende a TER ityô; Una ta kume er begha nahan; gadia Una ta kume, tsô ônov mba nomso vea mough shin ityôtar vea va her a Na a akarkase iyol.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.

Hosea 5:6

Vea za a akum a iyôngo a ve man a ibua ve sha u keren TER, kpa vea zua a Na ga; A kar hen a ve kera.

Hosea 6:1

Va sé hide nen hen TER; gadia ka Un A ande ye, shi Una wanger se; ka Un A gber avav ye, shi Una kange se a.

Amoshi 9:11

Sha iyange la Me mough a ityumbe i Davidi i lu i yôhôl la sha, Me maa ajiir a na a hemben; Me mough a atse a na sha, Me shi Me maa un er sha ayange a tsuaa la nahan;

Mika 4:1

Kpa sha ayange a masetyô la, á ver uwo u ya u TER sha ityough ki iwoov, á kende a u sha, ua kar agungu; akuraior aa ur yemen her;

Numeri 24:14

Hegen yô, yemen yam hen ior av; va m̱ pase u kwagh u ikurior ne ia va er a ior ou sha ayange a masetyô yô.

Mbaromanu 11:25

Anmgbianev, sarem ka ma ne lan kwaghmyer ne ga, de nengen nen ayol a en er ne mba mbafankwagh yum ga. I cighir vegher ugen u Iserael ishima zan zan atôatyev aa kar nyôron, iyenge i a ia kar ivin vough ve.

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

Duteronomi 4:30

Zum u ú lu ken ican, man akaa ne cii á tser u yô, sha ayange a masetyô, ú gema hen TER, Aôndo wou, ú ver ato sha imo Na;