Hosea 3:4 - ICIGHAN BIBILO

⁴ Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Hosea 3:4 Iomraidhean Croise

Genese 31:19

Er Laban yem sha u za tôndon iyôngo na aive yô, Rahel gema ii ter na terafim.

Genese 31:34

Rahel yô, tôô terafim la wa ken shidi u rakumi, tema sha mi. Laban pev akaa ken tenti wue wue kpa zua a mi ga.

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

2 Samuel 6:14

Nahan Davidi vine amar sha ishigh ki TER sha agee na cii, Davidi zer efodi u sha ikondo i pupuu.

2 Utor 23:24

Man shi mba ve lu a ujijingi mba mbakpenev man mba tsengan pasen akaa man uterafim man ieev kua akaa a ihôngorough cii a i nenge a mi ken tar u Yuda, man ken Yerusalem yô, Yoshia due a mi kera, sha u una taver akaaôron a atindigh a i nger ken ruamabera u pristi Hilkia zua a mi ken iyou i TER la.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

Ekesodu 28:4

Akondo a ve̱ er yô, ka ikpa i sha vanger man efodi man togo man riga u i er hwe sha mi man atsar a sha ityou man tsar u shin iwenge; ve̱ er uicighanmbaakondov sha ci u anngôu Aron man ônov nav, sha u a̱ eren Mo tom u pristi yô.

Ekesodu 28:6

Ve̱ er efodi sha zenaria man sha ikondo i kwel man i nyian dindee man i nyian bong man ikondo i pupuu i kôngor i sha mou u sendan, i̱ lu or u fan eev nana̱ er ye.

Ukwelegh 2:9

Ihinda na sen mire shin inya; A vihi uishindan nav, A kever ve kera. Tor na man atiator a na mba ken akuraior ape i tesen atindi ga la; uprofeti nav kpaa zua a mpase u sha mnenge hen TER ga.

Esekiel 19:14

Usu due ken agbaa a na hia atam a na, nahan i kera shi ma gbaa u taver u una va hingir tôgh ku torough ga. Ngun ka kwelegh je, hingir kwelegh kpaa.

Esekiel 20:32

man kwagh u ne lu henen la kpaa una er je ga; u ne kaa ner: Sé lu nen er akuraior nahan, er uipaven mba ior mba icombor i sha won yô, sha u civir kon man iwen.

Esekiel 21:21

Gadia tor u Babilon tile sha akahar a igbenda, sha mhii u igbenda ihiar la, sha u kpehen ishor; a tsongor avaan keen man keen, a za hen kwagh a terafim, a nenge sha mtema.

Esekiel 21:31

Me haa u iyugh Yam, Me fehe u usu u ishimanyoon Yam; Me na u sha ikev i ior mba vihin kwagh tsung, mba fan u timin kwagh.

Daniel 11:31

Akumautya aa mough her a na, vea hôngor a icighanjiir, garutya u taver la, vea yange nagh ku nanden ku gbem la kera, man vea gema á ver kwaghndôhôrshima u nan mtim.

Daniel 12:11

Hii sha shighe u i kar a nagh ku nanden ku gbem la kera, man i ver kwaghndôhôrshima u nan mtim la yô, ayange aa kar dubu man deri uhar man akunduanyiingber.

Daniel 9:27

Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Hosea 13:10

Tor wou ngu han ase, sha u una yima u ken agar a ou cii, man mbaajiriv ou mba hana, mba u kaa sha kwagh ve wer: Nam tor kua mbatarev laa?

Hosea 13:11

M na u tor sha ishima i vihin, man shi M kar a na kera sha iyugh Yam.

Hosea 2:11

Me er msaanyol na kpaa una bee man uiniongo nav man iwer i he na man ayange a memen a na kua uiniongo nav mba i ver sha ashighe ashighe la cii.

Levitiku 8:7

A haa un riga, a zer un kwange, a haa un togo, shi a haa un efodi man a zer un kor u efodi, a tsule un efodi sha u.

Sekaria 10:2

Gadia terafim ôr gbilinkwagh, mbaasorov kpaa mba nengen aie, mba ôron mnyam ma cien ma aiem, mba sur ior asema gbilin; ka nahan man ve zenden er iyôngo nahan, ican ngi eren ve, sha ci u orkuran ngu ga.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

YOHANE 19:15

Kpa ve genger imo er: I̱ yem a Na kera, i̱ yem a Na kera. I̱ za mande Un sha terankon. Pilatu kaa a ve er: M̱ mande Tor wen sha terankono? Upristi mba tamen gema kaa er: Se mba a tor ga, saa di Shisar tsô.

Mbaheberu 10:26

Aluer se mba eren asorabo sha apera zum u se ngohol mfe u mimi la kera yô, ma nagh sha ci u asorabo kera ku ga,

Mbaajiriv 17:5

Un Mika lu a iyou i civir Aôndo ker, nahan a er efodi man terafim shi a tsegha wan na môm er a̱ lu pristi na.

Mbaajiriv 18:14

Tsô ior mba utaan mbala mba ve za sha u za nengen tar u Laishi mker la, ve kaa a anmgbianev vev er: Ne fa er efodi man terafim kua eev mbu gban a gba man eev mbu keren a ker ve lu ken ya ne kpa? Hegen yô, hen nen ase kwagh u né er yô.

Mbaajiriv 8:27

Gidion gema er efodi a mi, ver un ken gar na, Ofera; tsô Iserael cii gba va eren idya heregh sha u civir un; gema hingir kwagh u hônon Gidion a mi kua mba hen ya na.

1 Samuel 14:3

Ahia wan u Ahitubi, anngô u Ikabodi, wan u Pinehashi, wan u Eli, pristi u TER ken Shilo, haa efodi. Kpa ior kera fa er Yonatan a yem ga.

1 Samuel 15:23

Gadia, u hendan kwagh, ka er ishor i kpehen nahan, man ityough ki taver gema ka er akombo a sôron kua eev mbu civir nahan. Er u vende u ungwan imo i TER yô, Un kpaa A venda u, u shi lun tor.

1 Samuel 2:18

Kpa Samuel yô, lu eren tom sha ishigh ki TER, lu wanye je, a har efodi u sha ikondo i pupuu.

1 Samuel 21:9

Tsô pristi kaa er: Sanker u Goliati Orfiliti u iyange u wua shin pev u Ela la ngu heen, i kange un ken ikondo, ngu ken ijime i efodi; aluer a sar u pe tôôn un yô, tôô tsô, gadia ugen ngu heen ga saa un. Nahan Davidi kaa er: Mô gen u kuman sha a na ngu ga, nam un.

1 Samuel 22:18

Nahan tor gema kaa a Doegi er: Yô, we ta num sha upristi. Tsô Doegi Oredom gema ta num sha upristi; sha iyange la a wua ior akunduanyiin kar utaan mba ve haa efodi u i kor sha ikondo i pupuu yô.

1 Samuel 23:6

Tsô shighe u Abiatar, wan u Ahimeleki, yevese va hen Davidi ken Keila la, a lu a efodi.

1 Samuel 23:9

Kpa Davidi fa er Saulu a we kwaghbo ishima a na yô, nahan a kaa a pristi Abiatar er: Va a efodi heen.

1 Samuel 30:7

Tsô Davidi kaa a pristi Abiatar, wan u Ahimeleki er: Shi vam a efodi. Nahan Abiatar tôô efodi va na Davidi.