Hosea 2:8 - ICIGHAN BIBILO

⁸ Gadia a kera fa er i lu Mo M ne un samuyia man wain man mkurem, man M seer un azurfa man zenaria mba ve gem ve ne Baal la ga.

Hosea 2:8 Iomraidhean Croise

1 Kroniku 29:16

TERE, Aôndo wase, ikav mbin mbi se kohol cii se ver sha u maan We iyou sha ci u icighanti Wou ne, ka ken uwegh Ough mbi dugh ye, ka mbi You cii.

Yobu 19:8

A wa igyar yisam gbenda sha er m̱ de fetyô u karen ga yô, A wam ime sha igbenda!

Yesaia 1:3

Bua fa or na, jaki kpaa fa kpese u ter u i, kpa Iserael yô, fa ga, ior Av mba henen kwagh ken ishima ga.

Yesaia 46:6

Ve mba ve haa zenaria u ken ikpa hen inya, man shi ve karen azurfa sha iyôgh ki karen kwagh a min la, ka ve er tôndo a orvarenzenaria er nana̱ er aôndo a mi; maa ve gule inya ve civir!

Yeremia 7:18

Mbayev kohol ikon, uter keer usu, kasev hôr mwem, sha u kaan torkwase u Sha la kuese a min, man sha u toon mbaaôndo mbagenev iniav mbi man, sha u vea bamem yô.

Esekiel 23:41

u tema sha gambe u icivirigh, a tebul u i ser sha hemen na, u penda kwaghhumandoon Wam man mkurem Am sha mi.

Daniel 3:1

Tor Nebukadinesar er eev mbu sha zenaria, ityaven i mbu lu aseva akunduatar man igbanger i mbu lu aseva ataratar; a ver mbu shin pev u Dura ken tiôntar u Babilon.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Hosea 13:1

Zum u Eferaim ôr kwagh yô, ikarikase gbidye iyol; i kende un sha ken Iserael; kpa a hingir u lun a ibo iyol sha ci u a civir Baal yô, nahan a kpe.

Hosea 13:2

Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Hosea 2:5

Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Hosea 4:11

Idya man wain man zar u wain u he mba kar a kwaghfan kera.

Hosea 8:4

Ve ver utor, kpa ka sha ishima Yam ga; ve ver mbatarev kpa ka sha mfe Wam ga; sha azurfa man zenaria ve la, ve er ieev vev sha u timin ayol a ve kera.

Habaku 1:16

Nahan ve na kper ve nagh, man ve nande kper ve kwaghhumandoon; gadia ka sha a na je, ci na a gbe ikev man kwaghyan na dumbur kpaa ye.

Luka 15:13

Ayange nga kar kpeghee yô, wen u kiriki la kohol ikav nav cii mough yem ken tar u icaa je, za vihi inyaregh nagh keregh sha udangmbaakaav.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.

Duteronomi 8:18

Kpa umbur TER, Aôndo wou, ka Un A ne u tahav mbu zuan a inyaregh ye, sha er Una er sha ikuryan Na i A bum a uter ou, er i lu nyian nahan.

Mbaajiriv 9:27

Ve yem ken sule ve za zôr atam a wain, ve kam, ve er iniongo, ve nyôr ken iyou i aôndo ve, ve ya, ve ma, ve gba tuhwan Abimeleki.