Hosea 2:7 - ICIGHAN BIBILO

⁷ Tsô una tôv mba ve doo un ishima la, kpa una kohol ve ga; una ker ve, kpa una zua a ve ga; nahan una kaa er: Guda me hide hen nomom u hiihii la, gadia mlu wam hen shighe la lu guda a u hegen ne.

Hosea 2:7 Iomraidhean Croise

2 Kroniku 28:23

gadia a na mbaaôndo mba Damaseku nagh, mba ve hemba un la; a kaa er: Er mbaaôndo mba utor mba Shiria ve wese ve yô, nahan mo kpaa, me na ve nagh, ve̱ wasem. Kpa ve gema ve hingir ityôkwagh i timin un kua Iserael cii.

Upasalmi 116:7

Hile hen mmem wou, uma wam, gadia TER er a we dedoo yum.

Yesaia 30:16

Kpa ne rumun ga, ne gema ne kaa ner: Ei, sé za ayem ayem sha anyinya, nahan nea yevese a yevese je; man shi: Sé henda anyinya a hemban ayem; nahan mbazendan ne ijime kpaa vea zenda fefa je.

Yeremia 14:22

Agbilinakaa a atôatyev la, ma kwagh ngu ker, u una fatyô u nôôn ura kpa? Shin Usha fatyô u nôôn ura u ioo kpa? Kera ka We gaa, TER, Aôndo wase? Nahan yô, sé kegh U; gadia ka We je U er akaa ne cii ye.

Yeremia 2:2

Za, za yila sha ato a Yerusalem, kaa Wer: TER ngu kaan nahan er: Sha kwagh wou yô, M umbur erdoo u iyev ou man dooshima u ivaa you, er u dondo sha a Mo ken taaikôngo, hen tar u i lee kwagh her ga yô.

Yeremia 2:28

Tsô mbaaôndo ou mba u er sha ci wou la mba hana? Ve̱ mough ase sha, aluer vea fatyô u yiman we sha shighe u ican you yô, gadia er iyenge i agar a ou i lu nahan, kape mbaaôndo ou kpaa ve lu la, we Yuda.

Yeremia 2:36

Ka nyi u zenden wue wue kpishi sha u geman gbenda wou nahana? Ú va ahenge ken Igipiti kpaa, vough er u ve ahenge ken Ashiria nahan.

Yeremia 3:1

A kaa er: Aluer or nan pav a kwase u nan, man a due her a nan a za hingir u orgen, nahan shi nana hide hen kwase laa? Nahan tar la ua kera hôngor tsung je gaa? Man we yô, u er idya a ior kpishi mba u doo ve la, nahan kpaa u ngu fan wer, ú shi ú hide her a Moo? Kape TER A kaa ne.

Yeremia 31:18

Mimi je, M ungwa Eferaim lu toghor iyol, kaan er: U tsaham, er gumbua u a lu a hool a igbur ga yô, kape i tsaham la; gemam, tsô me gema; gadia ka We U lu TER, Aôndo wam, ye.

Yeremia 31:32

kpa ia kera lu sha inja i ikuryan i M ya a uter vev ayange a M kôr ve uwegh sha u duen a ve ken tar u Igipiti la ga—ikuryan Yam i ve vihi la, shin er M lu ter ve je nahan kpaa, kape TER A kaa ne.

Yeremia 44:17

Kpa se yô, hanma kwaghôron u a dugh se ken zwa yô, sé er un kpee je, sé nanden torkwase u Sha nagh, shi sé toon un iniav mbi man er se vande eren nahan, se kua uter asev man utor asev kua mbatarev asev, ken agar a Yuda man sha igbenda i Yerusalem; gadia hen shighe la se lu a kwaghyan kpishi man se lu doo doo, se nenge kwaghbo ashe ga.

Esekiel 16:18

U tôô akondo a ou a sha hwe, u cir mbi iyol, man u ver mkurem Am man kwaghhumandoon Wam sha ishiv mbi mbi.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Esekiel 20:32

man kwagh u ne lu henen la kpaa una er je ga; u ne kaa ner: Sé lu nen er akuraior nahan, er uipaven mba ior mba icombor i sha won yô, sha u civir kon man iwen.

Esekiel 23:12

Ishima na var a Mbaashiria: ugomna man mbatarev, mbautyav mba ve hee akondo a dedoo, mbaanyinyav mba hendan anyinya, ve cii ka ikaior i kuman ashe.

Esekiel 23:22

Nahan, we Oholiba, Ter AÔNDO ngu kaan nahan er: Nenge, Me na mba ve doo u ishima la vea ta num sha a we, ve mba ve dugh u ishima la, Me va a ve sha u ve̱ va ta num sha a we sha hanma vegher cii:

Esekiel 23:4

Ati a ve lu Ohola, ka u vesen je la, man Oholiba anngô na u kwase; ve hingir mba Av man ve mar ônov mba nomso man mba kasev. Sha kwagh u ati ve yô, Samaria ka Ohola, man Yerusalem gema ka Oholiba.

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Daniel 5:21

i zenda un hen ior kera; ishima na gema hingir er i inyamtoho nahan, ijiir na i tsan kpaa lu a ujaki mba tohov imôngo; a hingir u yan toho er ibua nahan, iyol na heen sha avure a Sha, zan zan a kar fan er Aôndo Uhembansha la, A tem tor sha tartor u ior; ka A gema u, A na hanma or u i doo Un u nan nan yô.

Hosea 1:2

Zum u TER hii u ôron kwagh a Hosea yô, TER kaa a Hosea er: Za za er idyakwase man lu a ônov mba idyakwase kpaa, gadia tar ne ngu eren idya tsung undun TER.

Hosea 13:6

Zum u ve zua a kwaghyan yô, ve ya ve ide; er ve ide yô, asema a ve kende sha; ka sha ci u nahan Mo M hungul ve ye.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 2:16

Tsô sha iyange la, kape TER A kaa ne, ú yilam wer: Nomom; ú kera yilam wer: Baal wam, ga.

Hosea 5:13

Zum u Eferaim nenge angev nav man Yuda nenge ivav na yô, nahan Eferaim yem Ashiria, a tindi hen tor Yarebi, kpa a fatyô u wanger ne, shin u been ne ivav kpaa ga.

Hosea 5:15

Me shi Me hide hen ijiir Yam, zan zan vea rumun ibo ve, vea ker ishigh Yagh; ken ican ve la vea kerem sha gbashima.