Hosea 2:5 - ICIGHAN BIBILO

⁵ Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Hosea 2:5 Iomraidhean Croise

Yesaia 1:21

Er nan man gar u mimi a hingir idyakwase nahana, wen u a mgbough a mimi la! Perapera yan lu ker a na, kpa hegen yô, mase kan mbawuanior tseegh ve lu ker ye.

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yeremia 11:13

Gadia er iyenge i agar a ou i lu nahan, kape mbaaôndo ou kpaa ve ngee la, we Yuda! man er iyenge i igbenda i Yerusalem i ngee nahan kape ne te atse sha ci u kwaghkunya, ka atse a nanden Baal nagh a mi je la.

Yeremia 13:22

Aluer u kaa ken ishima you wer: Ka nyi man ambaakaa angan a tsereme? Ka sha ci u ifer you i vesen, i kôvor ikondo you, man akishiangahar a ou kpaa a zua a ican i aperagh ye.

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 6:8

We Yerusalem, rumun ityesen, sha er uma Wam a̱ de vende u ga yô; man sha er M̱ de gem u u̱ hingir ice, tar u lun a orteman ker ga, ze.

Esekiel 16:35

Nahan yô, we idyakwase, ungwa kwaghôron u TER;

Esekiel 16:39

Me gema u Me na sha ikev ve, vea yôhôl iyou you i sha man vea vihi ajiir a ou a taven sha la, man vea er akondo a ou kera, vea ngohol akaa ou a hweegh la, vea undu u idyelegh deleghee.

Esekiel 16:4

Sha kwagh u mmar wou yô, sha iyange i i mar u la, i tôndo u tsombo ga, man i ôô u iyol sha mnger sha u wanger we ga; bar kpaa i shighe u iyol ga, man shi i wa u ken ikondo kpaa ga.

Hosea 1:2

Zum u TER hii u ôron kwagh a Hosea yô, TER kaa a Hosea er: Za za er idyakwase man lu a ônov mba idyakwase kpaa, gadia tar ne ngu eren idya tsung undun TER.

Hosea 2:2

Hendan nen a ngô wen, hendan nen; gadia ka kwase Wam ga, Mo kpaa M ngu nom na ga; a̱ kar a idya na sha ishigh nagh kera, man a ijimba na kpaa her atô u atumba na kera;

Hosea 2:8

Gadia a kera fa er i lu Mo M ne un samuyia man wain man mkurem, man M seer un azurfa man zenaria mba ve gem ve ne Baal la ga.

Hosea 3:1

TER kaa a mo er: Shi za, za sôôr kwase u a doo huror na ishima, kpa a gema a hingir idyakwase, vough er TER A soo Mbaiserael shin er ve gem ve dondo mbaaôndo mbagenev nahan kpaa, shi ve soo azen a atam a ikon i wain a ombor.

Hosea 4:5

Wea nôngo gbev atetan, man profeti kpaa una nôngo gbev a we imôngo tugh; Me tim ngôu kpaa.

Hosea 8:9

Gadia ve kôndo sha Ashiria, er jaki i toho i zenden tswen nahan; Eferaim kimbi inyaregh sha u zuan a mba un doo ve ishima yô.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Amoshi 8:13

Sha iyange la anuunaukase a doon ashe man mbayevikaior vea hume sha ci u imura.

Mbaajiriv 16:23

Tsô atiator a Mbafiliti kohol er vea na aôndo ve Dagon, nagh ku vesen, shi vea ember kpaa; gadia ve kaa er: Aôndo wase na Semson orihom wase sha ikev yase.