Hosea 2:4 - ICIGHAN BIBILO

⁴ Ônov nav kpaa Me zungwe ve mhôônom ga, gadia ve mba ônov mba i mar ve sha idya yô.

Hosea 2:4 Iomraidhean Croise

2 Utor 9:22

Er Yoram nenge a Yehu yô, a pine er: Yehu ka bem kpa? A gema a kaa er: Ka bem hana, er idya i ngôu Yesebel man akombo a na a ngee yum nahana?

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 50:1

TER ngu kaan nahan er: Takerada u paven ivôson i ngôu, u M te kera la, ngu hana? Man shi ka hanma or u yaren Mo injô, M tee nan we? Nenge, ka sha ci u akaabo a en i tee ne ye, man ka sha ci u afer a en man i te ngô wen kera kpaa ye.

Yesaia 57:3

Kpa ne yô, kporom nen heen, ne ônov mba kwase u eren ahir, vor u idyaor man u agbaga.

Yeremia 13:14

Me kôr hanma or, Me ta sha ugen, uter a ônov mba nomso imôngo, kape TER A kaa ne; Me zungwe mhôônom ga; mhôônom maa kôrom er Me de u timin ve kpaa ga.

Yeremia 16:5

Gadia TER ngu kaan nahan er: De nyer ken iyou i mzungu ga man shi de ze sha ci u za vaan shin sha ci u za zungwen ve ga, gadia M ngohol bem Wam hen ior mban kera, kape TER A kaa ne, ka erdoo kua mhôônom ma zungwen je la.

Esekiel 23:25

Me tese iwuhe Yam sha a we, vea er a we sha ishima i vihin; vea tôndo u ihinga man ato; asande a ou a a shi her, á wua a sha sanker, vea kura ônov ou mba nomso man mba kasev; asande a ou a a shi her la usu ua hia a.

Esekiel 8:18

Sha ci u nahan yô, Mo kpaa Me yuwe, ishe Yam kpaa ia tange ga, man Me zungwe mhôônom kpaa ga; man shi vea genger imo vea vaa sha ato Am kpaa, nahan kpaa Me kera ungwa ve ga.

Esekiel 9:10

Nahan Mo kpaa, ishe Yam ia tange ga, man shi Me zungwe mhôônom, ga, kpa Me hire ve a ieren ve la sha ityough vegh.

Hosea 1:2

Zum u TER hii u ôron kwagh a Hosea yô, TER kaa a Hosea er: Za za er idyakwase man lu a ônov mba idyakwase kpaa, gadia tar ne ngu eren idya tsung undun TER.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 5:7

Ve er a TER dang; gadia ve mar ônov mba sha idya; hegen yô, uwer u he ua tim ve kera a ityar ve cii.

Sekaria 1:12

Nahan Ortyom u TER la kaa er: TER u akum a Sha, shi nan je man Ú zungwe Yerusalem kua agar a Yuda mhôônom, a iyugh You i lu sha a je i kom anyom akunduatargber ne ase?

YOHANE 8:41

Ne mba eren aeren a ter wen. Ve kaa a Na er: Se yô, ka sha idya i mar se ga; se mba a Ter môm tsô, ka Aôndo je.

Mbaromanu 11:22

Nahan nenge mhôônom ma zungwen man shi ipila i Aôndo. Mba ve gbe yô, ka ipila, kpa we yô, ka mhôônom ma zungwen ma Aôndo aluer wea tile sha mhôônom ma zungwen yô. Gayô, we kpaa á tôndo u kera.

Mbaromanu 9:18

Nahan yô ka A zungwe or u i sar Un la mhôônom, kpa or u i sar Un u cighir nan ishima yô, A cighir di je.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.