Hosea 2:23 - ICIGHAN BIBILO

²³ Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Hosea 2:23 Iomraidhean Croise

Upasalmi 118:28

We U ngu Aôndo wam, me wuese We, We Aôndo wam me civir We.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 68:31

Ashagbaior aa due ken Igipiti; Etiopia una naregh ave hen Aôndo fefa.

Upasalmi 72:16

Iyiav mbi̱ ngee shin tar sha ityouv mbi iwoov je kpaa, asagher a mbi a̱ hingir war war er Lebanon yô, ior ve̱ hôm ken agar er toho u menden hen inya yô.

I Solomon 2:16

U a doom ishima la, ka u wam je, mo kpaa m ngu u na; ngu kuran ilev nav henpe uimondon mba ityombo ve lu yô,

Yesaia 44:5

Ugen nana kaa er: Mo m ngu u TER je; ugen kpaa nana tôô iti i Yakob; ugen yô, nana nger sha uwegh ku nan er: Ka kwagh u TER je, nana seer iti i nan er, Iserael.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Yeremia 30:22

Nea lu ior Av, Mo kpaa Me lu Aôndo wen.

Yeremia 31:27

Nenge, ayange nga van, kape TER A kaa ne, a Me ta vor u or man vor u zendenya ken ya u Iserael kua ya u Yuda.

Yeremia 32:38

vea hingir ior Av, Mo kpaa Me gema Me hingir Aôndo ve;

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Esekiel 36:29

Me yima ne sha mhôngor wen cii; Me yila samuyia, ua ngee, Me kera na ne ijen ga.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 8:2

Ve yilam er: Aôndo wam! Se Iserael, se fa U.

Sekaria 10:9

Shin er M tsenda ve ken akuraior nahan kpaa, vea umbur Mo ken ityar i caa; vea lu uma her a ônov vev, man vea hide kpaa.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Sekaria 14:16

Tsô hanma or u nan shi ken akuraior a a ve ityav sha Yerusalem la, nana kôndon anyom anyom sha u za civir Tor, TER u akum a Sha, man sha u eren iniongo i atumbe kpaa.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mbaromanu 3:29

Shin Aôndo ka u Mbayuda tseeghe? Kera ka u atôatyev kpaa gaa? Mimi je, ka u atôatyev kpaa,

Yakobu 1:1

Yakobu, kpan u Aôndo man u Ter Yesu Kristu ngu sughun ikwe i pue kar ihiar i i sambe la.