Hosea 2:21 - ICIGHAN BIBILO

²¹ Tsô sha iyange la Me rumun, kape TER A kaa ne, Me rumun Usha, ve kpaa vea rumun tar,

Hosea 2:21 Iomraidhean Croise

Yesaia 55:10

Gadia er ura kua senou ka ve sen shin inya, ve kera hide Sha ga, kpa ve gema ve ndôhôr tar, ve na u, u mende akaa, u hôm, u na orlôôn ivor, shi u na oryankwagh ruam,

Yesaia 62:4

Á kera yila u er, Uitekera ga, á kera yila tar wou er Ice kpaa ga, kpa á yila u er, Hepeshiba (doom a na) man tar wou kpaa er, Bula (kwase u ngohol); gadia doo TER a we, tar wou kpaa ua hingir er kwasengohol nahan.

Yesaia 62:5

Gadia er wanyekwaor ka nan er iniunkwase nahan, kape ônov ou vea ngohol we la, man er orkwasehe ka nan ember kwasehe nahan, kape Aôndo wou kpaa Una ember we la.

Yesaia 65:24

Tsô er ve lu a yila ga kpaa, Me rumun, man er ve lu a kure kwaghôron ga je, tsô Me ungwa.

Esekiel 36:29

Me yima ne sha mhôngor wen cii; Me yila samuyia, ua ngee, Me kera na ne ijen ga.

Hosea 14:7

Mba ve tem shin mure na vea shi vea lôô alakema, vea kpar er kon u wain nahan; man iwuese i á wuese un ia lu er i wain u Lebanon nahan.

Yoel 2:19

TER gema kaa a ior Nav er: Nenge, M ngu tindin ne a samuyia man wain u he man mkurem, á kuma ne gbing gbing; Me kera er ne, né hingir kwagh u nahan tar hen akuraior ga.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Sekaria 8:12

Gadia ivor i bem ia lu heregh; kon u wain ua ume atam a u, inya kpaa ia na iyiagh nagh, Usha kpaa vea gba avure a ve; Me na asande a ior a a shi her ne, aa ya dyako sha akaa ne cii.

Sekaria 8:8

Me hide a ve, vea va tema ken atô u Yerusalem, vea hingir ior Av, Mo kpaa Me hingir Aôndo ve ken jighjigh man ken perapera.

Malaki 3:10

Va nen a môm-ken-upue mba jimin ken iyou i koson inyaregh, sha u iyou Yam i̱ lu a kwaghyan; yô, karem nen ase sha kwagh ne, kape TER u akum a Sha A kaa ne, tsô Mea bugh ne a-an a Sha, Mea haa ne iveren, je ia neer á haa inya.

Malaki 3:11

Shi Me yange ikomon sha ci wen, ia kera vihi iyiav mbi ken tar wen ga; ikon i wain i ken sule ia kera de u umen ne atam ga, kape TER u akum a Sha A kaa ne.

Mateu 6:33

Kpa vande keren nen tartor Na man perapera Na, man akaa ne cii á seer ne a ye.

Mbaromanu 8:32

Un u Wan Na iyol Na je kpaa A tange ga kpa A gema Un A na sha ci wase cii yô, Una kera na se akaa cii a Na imôngo wuee ga yee?