Hosea 2:20 - ICIGHAN BIBILO

²⁰ Me kange zwa a we sha mimi, nahan ú fa TER.

Hosea 2:20 Iomraidhean Croise

Genese 9:10

man a hanma kwagh u uma u a lu a ven imôngo, mba ve dugh ken tso la cii, inja na yô, ka hanma inyam i sha won cii.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 62:4

Á kera yila u er, Uitekera ga, á kera yila tar wou er Ice kpaa ga, kpa á yila u er, Hepeshiba (doom a na) man tar wou kpaa er, Bula (kwase u ngohol); gadia doo TER a we, tar wou kpaa ua hingir er kwasengohol nahan.

Yeremia 24:7

Me na ve ishima sha u vea fa er Mo M lu TER yô; vea hingir ior Av je, Mo kpaa Me lu Aôndo ve, gadia vea hide her a Mo a ishima i môm.

Yeremia 30:10

Nahan yô, de cie ga, we Yakob wanakiriki Wam, kape TER A kaa ne, man ishima i̱ de nyian we ga, we Iserael; gadia, nenge, Me yima u ken ica je man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa; ma or nana kera ta un mciem iyol ga.

Yeremia 32:41

Een, Me ember ve, Me eren a ve dedoo, Me môôr ve ken tar ne kpee sha ishima Yam cii man sha uma Wam cii kpaa.

Yeremia 9:24

kpa u i sar nan ka tan ihagh yô, nana̱ ta ihagh sha kwagh ne, er nan kav man shi nan fam, er Mo M lu TER u eren dedoo, u ôron ijir sha mimi man u eren perapera sha tar, gadia ka akaa ne a doom ye, kape TER A kaa ne.

Esekiel 16:62

Me taver ikuryan a we, nahan ú fa er Mo M lu TER yô,

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Esekiel 34:27

Ikon i ken ikôngo ia ume atam, man tar kpaa ua doo iyiagh, vea tema bem bem ken tar ve; nahan vea fa er Mo M lu TER ye, zum u Me kever amande a igbur ve la, man Me yima ve sha ikev i mba ve ker ve, ve hingir ikpan la.

Esekiel 38:23

Nahan Me tese mhembe Wam man mtsegh wam, Me pase iyol Yam ken igbar sha ashe a akuraior kpishi; nahan man vea fa er Mo M lu TER ye.

Hosea 13:4

Nahan kpaa, Mo M ngu TER, Aôndo wou, hii ken tar u Igipiti je, u fa ma aôndo ugen ga saa Mo; Oryiman ugen ngu ga saa Mo.

Hosea 2:19

Me kange zwa a we u bunden mayange ga; een, Me kange zwa a we sha perapera, man sha ijirôron i mimi man sha erdoo man sha mhôônom ma zungwen.

Hosea 6:6

Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Levitiku 26:5

Shighe u sundan iyiav la, né sundan zan zan shighe u sundan atam a wain a kuma, atam a wain kpaa, né sundan zan zan shighe u lôôn iyiav a kuma; né yaan kwaghyan á kuman ne, né tema ken tar wen.

Levitiku 26:6

Me na bem ken tar la, né yav je, ma or u tan ne mciem iyol nana lu ga; Me er inyamikume ia bee ken tar wen, sanker kpaa una kar hen atô u tar wen ga.

Mika 4:3

Una ôr ijir hen atô u ior kpishi, Una kure ijir i akuraior a taver a ken ica, aa gema usanker mba a, aa var indyuhar a mi, man awange a ve kpaa aa hingir ahô a sôron ikon a min; ma ikurior ia kera tsuwa sanker a ikur igen ga, man shi aa kera hen ityav kpaa ga.

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.

Mateu 11:27

Akaa cii Terem gema a, wam sha ikev, man shi ma or fa Wan ga, saa Ter tseegh, man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

Luka 10:22

Akaa cii Ter gema a wam sha ikev; man shi ma or fa Wan ga, saa Ter tseegh; man shi ma or fa Ter kpaa ga, saa Wan, man shi hanmô u Wan A we ishima u pasen nan yô.

YOHANE 17:3

Man uma u tsôron yô, ka u ve̱ fa U, We Aôndo u mimi tswen, man shi Un u U tindi la, ka Yesu Kristu.

YOHANE 8:55

Kpa ne fa Un ga; Mo yô, M fa Un; aluer Mea kaa Mer; M fa Un ga yô, ma M hingir oraie er ne nahan je; kpa M fa Un, shi M we kwaghôron Na iko kpaa.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

Mbafilipi 3:8

Mimi je m nenge akaa cii hingir mo msaa sha ci u mfe u fan Kristu Yesu Terem la a hembe ica yum yô. Ka sha ci Na man m de akaa cii a saam ye, m nenge a hingir mo hôngor sha u Kristu Una lu mtsera wam yô,

Mbakolose 1:10

sha u ne̱ zende zende u u kom Ter, ne̱ doon Un ken akaa cii, ne̱ umen atam ken hanma tom u dedoo, shi ne̱ vesen ken kwaghfan u Aôndo,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:12

ka sha ci u kwagh ne man m lu yan atsan ne nahan ye, kpa kunya kôrom sha mi ga. Gadia m fa Un u m na Un jighjigh la man m fa dedoo mer Una fatyô u kuran kwagh u i wem sha ikev la zan zan iyange la.

Mbaheberu 8:11

Man hanma or nana kera tese or hen tar u nan la, shin anmgbian u nan kpaa er: Fa Ter, ga: gadia ve cii vea fam á hii sha u kiriki zan zan ar sha u vesen.

1 Yohane 4:6

Se yô, se due ken Aôndo; or u nan fe Aôndo yô, nan ongo se; u nan dugh ken Aôndo ga yô, nan ongo se ga. Ka sha kwagh ne man se fe jijingi u mimi man jijingi u icughugh kpaa ye.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.