Hosea 2:19 - ICIGHAN BIBILO

¹⁹ Me kange zwa a we u bunden mayange ga; een, Me kange zwa a we sha perapera, man sha ijirôron i mimi man sha erdoo man sha mhôônom ma zungwen.

Hosea 2:19 Iomraidhean Croise

Upasalmi 85:10

Erdoo man mimi ve zua ve, perapera man bem suse zwa ayol a ve,

Yesaia 1:27

Á yima Shion sha ijirôron i mimi, kua mba ve gem ishima ken a na kpaa, á yima ve sha perapera.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yesaia 54:6

Gadia TER yila u er kwase u i gbihi nan kera man ishima i vihi nan ken vanger yô, man er kwase u i er nan iyev man i hir i vende nan yô, kape Aôndo wou A kaa la.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Esekiel 39:29

man shi Me kera yer ve ishigh Yagh ga, gadia M haa Jijingi Wam sha ya u Iserael, kape Ter AÔNDO A kaa ne.

Hosea 14:4

Me wanger mhirjime ve, vea gba doon Mo ishima tsô; gadia iyugh Yam gema her a na kera;

Yoel 3:20

Kpa Yuda yô, una lu gbem sha won man Yerusalem kpaa una lu sha ikov ikov.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

YOHANE 3:29

Or u nan lu a kwasehe yô, ka orkwasehe je la; kpa ikar u orkwasehe u a til a ongo imo na yô, ka a ember kpishi sha ci u imo i orkwasehe; nahan iember yam ne kpaa i iv ve;

Mbaromanu 7:4

Anmgbianev av, kape ne kpaa, ne kpe sha kwagh u atindigh sha iyol i Kristu, sha u né hingir kwagh u orgen, ka Un u i nder Un shin ku sha u se se̱ ume atam sha ci u Aôndo la.

2 Mbakorinte 11:2

Gadia m ngu a ishima i tseen sha kwagh wen je, ka imbashima i tseen i Aôndo la, m ver ne sha ci u nom môm sha u me na ne hen Kristu er ka iniunkwase i lun wang nahan.

Mpase U Yohane 21:2

Shi m nenge icighangar, ka Yerusalem u he je la, lu senen Sha, a due her Aôndo, i sôr un er kwasehe u i er un hwe iyol sha ci u nom na yô.