Hosea 2:18 - ICIGHAN BIBILO

¹⁸ Sha iyange la Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.

Hosea 2:18 Iomraidhean Croise

Yobu 5:22

Ú se mtim kua ijen kpaa; man shi ú cia inyamtoho kpaa ga.

Yobu 5:23

Awen a ken toho kpaa á ya ikar a we; man inyam i toho kpaa, ia lu a we bem bem;

Upasalmi 148:10

inyamtoho man uzendenya cii, akaa a a kper a kpela inya man inyon i purugh cii kpaa;

Upasalmi 23:2

A erem, m yav inya henpe agumatoho a hem yô; A hemen mo A za a mo hen mngerem ma ma lu ving yô.

Upasalmi 46:9

A er ityav mbi bee zan zan ar hen ikighir i tar je, A sombo ada, A kever iwange, A nande akekeautya sha usu.

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yesaia 2:17

Á hide a iyolmoron i uuma la ijime, iyolgengese i ior kpaa á hee i; ka TER tseegh Una lu a icivir sha iyange la ye.

Yesaia 2:4

Una ôr ijir her atô u akuraior, Una kure kwagh u ior kpishi; nahan vea gema usanker vev, vea var indyuhar a mi, awange a ve kpaa aa hingir ahô a sôron ikon a mi; ikurior igen ia kera tsuwa sanker a ikurior igen ga, vea kera hen ityav mbi nôngon kpaa ga.

Yesaia 26:1

Sha iyange la á wa icam ne ken tar u Yuda er: Se mba a gar u taver; A ver myom er, a̱ lu gilgar kua akpagar.

Yesaia 32:18

Ior Av vea tema ken ijiir i bem man ken uya mba taver man ken ajiir a memen a yôhôl iyol.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yesaia 65:25

Gbaseela man waniyôngo vea ya toho imôngo, begha una ya toho er bua nahan, vuulevu ua lu kwaghyan u iyô. Vea kera er kwagh u vihin ga, shin vea tim kwagh sha icighanwo Wam cii mayange kpaa ga, kape TER A kaa la.

Yeremia 23:6

Sha ayange Na, Yuda una war, man Iserael kpaa una tema bem bem; iti i á yilan Un a mi je yô, er: TER KA PERAPERA WASE.

Yeremia 30:10

Nahan yô, de cie ga, we Yakob wanakiriki Wam, kape TER A kaa ne, man ishima i̱ de nyian we ga, we Iserael; gadia, nenge, Me yima u ken ica je man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa; ma or nana kera ta un mciem iyol ga.

Yeremia 33:16

Sha ayange shon la á yima Yuda, man Yerusalem una tema bem bem; iti i á yila un a mi yô, er: TER ka perapera wase.

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Esekiel 39:1

We wan u or, ôr kwaghôron u profeti sha Gogi, kaa wer: Ter AÔNDO ngu kaan nahan er: Nenge, M ngu num a we, we Gogi tor u Roshi man Mesheki man Tubal;

Sekaria 14:4

Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Sekaria 3:10

Sha iyange la, kape TER u akum a Sha A kaa ne, hanmô wen nana lôhô or u wan ndor a nan sha u nana̱ va hen nan shin itinekon i wain i nan man shin itine i tur i nan kpaa.

Sekaria 9:10

Me tim akekeautya hen Eferaim kera, man anyinya a utya kpaa ken Yerusalem, man á kar a adautya kera kpaa; Una yôô bem hen akuraior cii, Una tema tor á hii hen zegemnger á za ar hen zegemnger man á hii hen Ifi la zan zan á za ar sha akighir a tar.