Hosea 2:12 - ICIGHAN BIBILO

¹² Me vihi ikon i wain na man ikon i tur na, i a kaa er: Ka injar yam i mba m doo ve ishima ve nem la; Me gema i ia hingir ikô, inyamtoho ia ya i.

Hosea 2:12 Iomraidhean Croise

Upasalmi 80:12

Ka nyi man U yôhôl igyar i u je, mba ve karen hen gbenda la cii, ve zer u nahana?

Yesaia 29:17

Mase shin ciôn tsô, á gema Lebanon una hingir sule u atam a ikon a dedoo, man sule u atam a ikon a dedoo ua gema á hingir er ka ikô nahan gaa?

Yesaia 5:5

Hegen yô, Me pase ne kwagh u Me er a sule Wam u wain la: Me sough igyar i u kera, á ya u; Me hembe kpekpe u u kera, á ndyar u shin angahar;

Yesaia 7:23

Tsô sha iyange la, hanma ijiir henpe ikon i wain ka i lu dubu man i kom u á yam i sha agbenger a azurfa dubu la, ia hingir ijiir i kôrakondo kua usaa.

Yeremia 13:26

Nahan Mo iyol Yam je, Me kôvor ikondo you je ia va ar u sha ishi, idyelegh wou una due ken igbar.

Yeremia 26:18

Mika Ormoresheti ôr kwaghôron u profeti sha ayange a Hisekia tor u Yuda, a ôr kwagh a ior i Yuda cii, a kaa er: TER u akum a Sha ngu kaan nahan er: Shion ne, á tsôghol un er sule nahan, man Yerusalem ne, una hingir atihi a alôgh, man uwo u tempel ne ua hingir er agungu a a lu ken ikô nahan.

Yeremia 5:17

Vea ya iyiav youv mbi u sondo, kua kwaghyan wou, vea ya ônov ou mba nomso kua mba kasev; vea ya ikumuile you kua ibua you; man shi vea ya ikon i wain you kua ikon i tur you; agar a ou a a lu a ugir, a u suur sha mi la, vea tim a sha sanker.

Yeremia 8:13

Me kohol ve, Me kura kera, kape TER A kaa ne; atam a wain kera nga sha kon u wain ga, man atam a tur kpaa kera nga sha kon u tur ga, ika kpaa ngi usen kera; akaa a M ne ve yô, nga karen her a ve kera.

Hosea 13:8

Me ta sha a ve er dwem u i kor un ônov kera yô, Me ande vanger ve; Me ya ve er begha nahan; inyamikume ia tuse a ve.

Hosea 2:5

Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Hosea 5:14

Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Hosea 9:1

Iserael de kera ember yagh yagh er akuraior nahan ga, gadia u er idya, u undu Aôndo wou, injar i sha idya doo u sha hanma vande u gbiren iyiav.

Mika 3:12

Nahan yô, á tsôghol Shion sha ci wen er sule nahan; Yerusalem una hingir atihi a alôgh, man uwo u ya u Aôndo ua hingir er agungu shin ikô nahan.