Hosea 14:9 - ICIGHAN BIBILO

⁹ Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Hosea 14:9 Iomraidhean Croise

Genese 18:25

Tuna u We nahan Ú er injakwagh ne sha u wuan mbaperapera a mbaaferev imôngo, je mbaperapera geman hingir kwagh môm a mbaaferev; kwagh ne tuna U tsô; Orjirigh u tar cii, Una kera er vough gaa?

Yobu 17:9

Kpa orperapera nana taver ishima sha gbenda u nan, u nan lu ave wang kpaa, nana seer taver a taver.

Upasalmi 107:43

Or u nan lu a kwaghfan yô, nana̱ ver ishima sha akaa ne, ve̱ ver ishima sha uerdoo mba TER kpaa. Ka icam. Ka Pasalmi u Davidi

Upasalmi 119:128

Ka nahan man me ver angahar a am jighilii sha uiniezwa Ou cii ye, shi m ker hanma gbenda u aiegh ihom.

Upasalmi 119:75

M fa, TERE, akaaôron a Ou a jirigh ka a perapera je, man er i lu sha jighjigh Wou man U erem ican je ye.

Upasalmi 84:5

Saan or u agee a nan a lu ken a We la iyol, u uigbudu mba zan sha Shion ve lu nan ken ishima yô.

Upasalmi 84:7

Er ve zan yô, ve seer taver a taver agee; hanmô ve nana va ar sha ishigh ki Aôndo ken Shion.

Anzaakaa 10:29

Gbenda u TER ka garutya u mbaperapera, kpa mbaerenafer yô, gema ka ve mtim.

Anzaakaa 16:21

Mba ve lu a kwaghfan ken ishima yô, á yila ve er, mbaeren kwagh sha mfe, kwaghôron u dedoo u sha zwa kpaa seer ityesen.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Yesaia 1:28

Kpa mtim u mbaperenatindi kua u mbaasorabo una va shighe môm, man mba ve undu TER kpaa, á tim ve kera.

Yesaia 17:8

Nana nenge sha atse a nanden nagh sha mi, tom u sha ave a nan la ga, nana gema ashe hen kwagh u ahôaveegh a nan er la ga, shin a lu Asherim shin atse a nanden kwaghhumandoon sha mi la kpaa ga.

Yesaia 26:7

Gbenda u orperapera ngu vaanaa; ka U sôr gbenda u orperapera u lu shambe shambe.

Yeremia 29:12

Nahan né vaa a Mo, man né za, né za sônom man Mo kpaa Me ver ato her a ven.

Yeremia 9:12

Ka anti je nan lu orfankwagh u nana kav kwagh nee? Wen u zwa u TER u er kwagh a nan sha u nana pase kwagh nee? Ka sha ci u nyi man tar u saa ishe, u hie er taaikôngo nahan je or kera karen ken u ga?

Esekiel 11:18

Vea hide heregh, vea due a akaa a hôngorough a u, kua akaa a ndôhôrshima cii, ken u kera.

Esekiel 18:25

Nahan kpaa, ne mba kaan ner: Gbenda u TER ngu vough ga. Ungwa nen ase; we ya u Iserael: Gbenda Wam ngu vough ga zee? Kera ka igbenda yen i lu vough ga ye, gaa?

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Daniel 12:10

Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Sefania 3:5

TER ka u perapera je ken na, eren iferkwagh ga; hanma sev pasen mimi na ken igbar, ka bundu Un ga; kpa ormimi ga yô, nan fa kunya ga.

Sekaria 10:6

Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Mateu 11:19

Wan u or va, ye kwagh shi me kwagh, kpa mba kaan er: Nenge, or u kumbur hua sha kwaghyan, man or u eren hua sha msôr, ka huror u mbangoholkpandegh kua u mbaasorabo. Kpa mfe zua a ishô sha aeren a na ve.

Luka 2:34

Tsô Shimeon ver ve doo doo, shi a kaa a ngô Na, Maria, er: Wan ne yô, i ver Un sha ci u mgbe man mmough u ior kpishi ken Iserael, man shi sha ci u ikav i á nyiman i yô

Luka 7:23

Man saan or u kwagh Wam a ne nan anzughul ga la iyol.

YOHANE 15:24

Aluer Mea eren ityom her a ve i mô gen nan er ga yô, ma ve lu a isholibo ga; kpa hegen yô, ve nenge i, shi ve kôrom ihom kua Terem kpaa.

YOHANE 18:37

Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

YOHANE 9:39

Tsô Yesu kaa er: M va shin tar ne sha ci u i̱ hingir ijir i kuren, sha u mba ve nengen ga yô, ve̱ nenge, man mba ve nengen la yô, ve̱ gema di ve̱ hingir mbaapirashe.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Mbaromanu 7:12

Nahan yô, atindi ka icighankwagh, tindi kpaa ka icighankwagh shi kwagh u jighjigh man u doon kpaa.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.