Hosea 14:3 - ICIGHAN BIBILO

³ Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 14:3 Iomraidhean Croise

2 Kroniku 16:7

Sha shighe la ornengenakaa Hanani, va hen Asa tor u Yuda, va kaa a na er: Er u suur sha tor u Shiria, u kera suur sha TER, Aôndo wou, ga yô, nahan ikumutya i tor u Shiria war sha ikev you je ve.

Upasalmi 10:14

U nenge a mi; gadia We, U ngu nengen zayol man ishimavihin, sha er Ú tôô sha uwegh Ough; ka her a We man isheeror ka i ver iyol i i ye; We, U lu Orwasen u ancôghol.

Upasalmi 146:3

De suur nen sha mbatarev, sha wan u or u iwasen i lu her a na ga la ze;

Upasalmi 146:9

TER kor ushirmbaiorov, wese ancôgholov man kasev mba côgholov, kpa nzughul a gbenda u mbaaferev.

Upasalmi 33:17

Nyinya ngu a inja sha u zuan a mhembe ga, una war or sha agee a na a vesen kpaa ga.

Upasalmi 68:5

Aôndo ka ter u ancôgholov, man orjir u kasev mba côgholov, ken icighanyou Na la.

Yesaia 1:29

Gadia kunya ua kôr ne a ikon i terebin i i sar ne la, nea va ahenge kpaa, sha ci u ishule i ikon i ne tsough i la.

Yesaia 2:20

Sha iyange la yô, or nana haa akombo a nan a azurfa kua akombo a nan a zenaria kera, a nan er sha ci u gulen civir a la, nana gema a, nana gbihi ijuhyev man anema,

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Yesaia 30:16

Kpa ne rumun ga, ne gema ne kaa ner: Ei, sé za ayem ayem sha anyinya, nahan nea yevese a yevese je; man shi: Sé henda anyinya a hemban ayem; nahan mbazendan ne ijime kpaa vea zenda fefa je.

Yesaia 30:2

mba yemen senen shin Igipiti, kpa ve pine zwa Wam ga, sha u vea ker mwar ken agee a Farao man vea yer ken mure u Igipiti yô!

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 31:3

Mbaigipiti ka ior tsô, ka Aôndo ga, anyinya a ve kpaa ka inyam tsô, ka jijingi ga; zum u TER Una naregh uwegh Nagh yô, u nan wase la nana nôngo gbev, u nan ngohol iwasen la kpaa nana gba, ve cii vea tim imôngo.

Yesaia 36:8

Yô, ta ase hwande a terem tor u Ashiria: mo yô, me na u anyinya dubu uhar, aluer wea fatyô u nan mbahendan a yô.

Yeremia 49:11

Undu ancôgholov ou, Me kura ve ve̱ lu uma; kasev mba côgholov ou kpaa, ve̱ suur sha a Mo.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 37:23

man shi vea kera hôngor ayol a ve sha akombo a ve ga, shin sha akaa a ndôhôrshima a ve kpaa ga, shin sha ma atindi a ve a peren kpaa ga; kpa Me yima ve sha mbamhirjime vev cii mba ve er isholibo sha mi la, man Me wanger ve, nahan vea hingir ior Av, Mo kpaa Me lu Aôndo ve.

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.

Hosea 13:2

Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Hosea 14:8

Eferaim: Ka nyi i shi i gbem a akombo? Ka Mo M ongo un shi M nengen sha a na kpaa; M ngu er kon u fer u lun shough shough nahan; ka her a Mo atam a ou a dugh ye.

Hosea 2:17

Gadia Me dugh ati a Ubaal ken zwa na kera, mayange á kera ter ati a ve ga.

Hosea 4:12

Ior Av mba keren mhen sha ikon ve, gbough vegh ku pasen ve kwagh; gadia jijingi u idya tsume a ve, ve yem ken idya, ve gbihi Aôndo ve.

Hosea 5:13

Zum u Eferaim nenge angev nav man Yuda nenge ivav na yô, nahan Eferaim yem Ashiria, a tindi hen tor Yarebi, kpa a fatyô u wanger ne, shin u been ne ivav kpaa ga.

Hosea 7:11

Eferaim ngu er ibume atii u kaven kwagh ga yô; ka ve yila Igipiti, ve za hen Ashiria.

Hosea 8:6

Gadia kwagh ne due ka ken Iserael; or u eren eev er un, ka aôndo ga; wanbua u Samaria la, á hembe un avur avur.

Hosea 8:9

Gadia ve kôndo sha Ashiria, er jaki i toho i zenden tswen nahan; Eferaim kimbi inyaregh sha u zuan a mba un doo ve ishima yô.

Yona 2:10

Tsô TER ôr kwagh a ishu la, nahan i za suwa Yona sha tar.

Sekaria 13:2

Tsô sha iyange la, kape TER u akum a Sha A kaa ne, er: Me ese ati a ieev mbi hen tar ne kera, á kera umbur mbi sha won ga; shi Me kar a uprofeti mba aiev man jijingi u hôngorough ken tar ne kera.

YOHANE 14:18

Me undu ne icôghol ga, M ngu van her a ven.

Duteronomi 17:16

Nana̱ de seer a seer anyinya kpishi sha ci u nan ga, shi nana̱ de hidi a ior ken Igipiti sha u nana̱ seer anyinya ga; gadia TER vande kaan ne je er: Mayange de kera shi hidi nen sha gbenda la ga.