Hosea 14:2 - ICIGHAN BIBILO

² Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.

Hosea 14:2 Iomraidhean Croise

2 Samuel 12:13

Davidi gema kaa a Natan er: M er TER kwaghbo. Nahan Natan kaa a Davidi er: TER de u kwaghbo wou, ú kpe ga.

2 Samuel 24:10

Tsô ishima na Davidi ibo zum u a ôr iyenge i ior kera la. Nahan Davidi kaa a TER er: M er kwaghbo kpishi je sha kwagh u m er ne; nahan kpaa, TERE, shi ese ibo i wanakiriki Wou ne kera; gadia m er ibumekwagh tsô.

Yobu 7:21

Er nan man U dem kwaghbo wam, man U hir a iferkwagh yam kera ga? Gadia ahegen shi côhin tsô, me yav shin vuulevu; Ú kerem, kpa me lu ga.

Upasalmi 119:108

TERE, ma U ngohol nagh ku sha ishima i dedoo ku sha zwa wam ne, shi tesem akaaôron a Ou a jirigh kpaa.

Upasalmi 50:14

Na Aôndo nagh ku ishughun, kure uiceghzwa ou mba u tsegh a Uhembansha la;

Upasalmi 51:16

Saan We ken ishima a nagh ku sôngon ga, gayô ma m ne ku; nagh ku nanden kpaa doo U ga.

Upasalmi 51:17

Nagh ku Aôndo A rumun yô, ka jijingi u zamber; ishima i zamber, i uren tsung yô, Ú laha ga, Aôndo.

Yesaia 44:22

M ese atindi a ou a peren kera er irkpiigh nahan, man asorabo a ou kpaa, er ibeenegh yô; hide her a Mo, gadia M paa u.

Yesaia 6:7

a va bendem i sha zwa, a kaa er: Nenge, ngin bende u sha ityumbuzwaagh ve, nahan i tôô ibo you kera man i de u isholibo you kpaa.

Yeremia 3:12

Za, za yôô akaaôron ne vegher u hen imbusutarimese, kaa wer: Hide, we Iserael u u undu mimi wou la, kape TER A kaa ne; Me kera kenger we a iyugh ga, gadia Mo M ngu u zungwen mhôônom je, kape TER A kaa ne; ishima ia vihim zan zan gbem ga.

Hosea 12:7

Ka orkasua je, uikaren mba icughuv mba sha uwegh nagh; u ngohol mtsera ganden ikaa inya doo un.

Hosea 5:5

Ihagh i Iserael ngi nan un ibo ken igbar je; nahan Iserael man Eferaim vea nôngo gbev ken ifer ve la; Yuda kpaa una nôngo gbev a ve imôngo.

Hosea 6:6

Gadia ka dooshima a sarem ye, ka nagh ga; man mfe u fan Aôndo kpaa hembam doon a iniav mbi nanden.

Yoel 2:17

Upristi, mbaerentom u TER, ve̱ vaa hen halegh u puadwer a atse a nanden nagh sha mi la, ve̱ kaa er: Tsegha ior Ou ver ve kposo TERE, de kera gbihin dyako Wou ken iheen je er akuraior aa nahan ve tar ga; ka sha ci u nyi man vea kaa ken akuraior er: Aôndo ve ngu hana?

Yona 2:9

Kpa mo yô, me na U nagh sha imo i ishughun; kwagh u m tsegh zwa sha mi la yô, me er. Myom ka u TER je.

Sekaria 3:4

A gema A kaa a mba ve tile sha ishigh Nagh la, er: Er nen un akondo a iligh la kera. A kaa a na er: Nenge, M kar a ifer you hen a we kera, Me haa u akondo a icivirigh.

Mateu 7:11

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un, akaa a dedoo ga yee?

Luka 11:13

Aluer ne mba ne lu mbaaferev je kpaa ne fa u nan ônov enev uiwua mba dedoo yô, man hire Ter wen u A lu Sha Una kera na mba ve sen Un la Icighan Jijingi ga yee?

Luka 18:13

Kpa orngoholkpandegh la yô, tile ken ica je, rumun u kenden ashe sha tsô kpaa ga, kpa a ta uwegh sha vanger, a gba kaan er: Aôndo, zungwem mhôônom, mo orsholibo ne!

YOHANE 1:29

Kper gen yô, a nenge Yesu lu van her a na, tsô a kaa er: Nenge Waniyôngo u Aôndo u A tee isholibo i tar kera ne, Ngula.

Mbaromanu 11:27

Kwagh ne una lu ikuryan Yam a ve zum u Me tôô asorabo a ve kera yô.

WASHIKA U SHA UHAR U PAULU APOSTOLI TINDI HEN TIMOTEU - 2TI 1:9

u A yima se shi A yila se sha icighanmyer la, lu sha ci u aeren a ase ga kpa lu sha awashima Na iyol Na man shi sha mrumun u sha mhôôn Na u i ne se ken Kristu Yesu je er shighe lu a lu ga la.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 10:4

Gadia awambe a anomabua man ivo aa fatyô u tôôn asorabo kera je ga.

Mbaheberu 13:15

Nahan se naan nen Aôndo nagh ku iwuese gbem sha a Na, ka atam a ityumbujôôgh i pasen iti Na ken igbar je la.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

1 Yohane 1:7

Kpa aluer se zenden ken iwanger er Un A lu ken iwanger nahan yô, sé zua ayol a ase, man awambe a Yesu Wan Na nga wanger se sha asorabo cii.

1 Yohane 3:5

Ne fa, i pase Un sha u A̱ tôô asorabo kera; ken a Na yô, isholibo ngi ga.