Hosea 13:6 - ICIGHAN BIBILO

⁶ Zum u ve zua a kwaghyan yô, ve ya ve ide; er ve ide yô, asema a ve kende sha; ka sha ci u nahan Mo M hungul ve ye.

Hosea 13:6 Iomraidhean Croise

Nehemia 9:35

Gadia ve civir We ken tar ve ga, man sha iveren You i vesen i U ver ve a mi la kpaa ga, man ken tar u vesen u doon sule u U na ve la kpaa ga, man shi ve gema ishima, ve undu aeren a ve a bo kpaa ga.

Upasalmi 10:4

Iferor ka nana manger yô, nan kaa er: Una or iyev ga; sha mbamhen nav cii, a hen er: Aôndo ngu ga.

Anzaakaa 30:9

sha er m̱ de idi m̱ nyiman We, m̱ kaan Mer; Ka an nan lu TERE? ga, man shi m̱ de lu oribanave je er me za ii, me gema me ter iti i Aôndo wam gbilin, ga.

Yesaia 17:10

Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yeremia 5:7

Á er nan man Me de u asorabo a ouwe? Ônov ou tam kera, ve gema ve bum mba ve lu mbaaôndo ga la; zum u m koso ve zan zan kuma ve yô, ve er idya, ve tim nongo tu tu hen uya mba mbaagbaga.

Esekiel 23:35

Nahan yô, Ter AÔNDO ngu kaan nahan er: Sha ci u Mo M hungul we man u tam kera ken ijime you, yô, tôô ase ibo i ijimba you man idya you.

Esekiel 28:5

sha mvese u kwaghfan wou man sha kasua wou, u seer inyaregh you man ishima you kpaa i kende sha, sha ci u inyaregh you;

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Hosea 12:8

Nahan Eferaim kaa er: M hingir ornyar ve, m tser a inyaregh; ken akaa am cii, i zua a ma kwagh u ifer ken a mo u lun isholibo ga.

Hosea 2:13

Me tsaha un sha ci u ayange a iniongo a Ubaal a un lu nanden ve nagh ku human doon la, man lu eren hwe sha inyarev mbi ken ato man sha asa a engem, dondon sha mbadoon un ishima la, Mo yô, M gema M hungul un, kape TER a kaa ne.

Hosea 2:7

Tsô una tôv mba ve doo un ishima la, kpa una kohol ve ga; una ker ve, kpa una zua a ve ga; nahan una kaa er: Guda me hide hen nomom u hiihii la, gadia mlu wam hen shighe la lu guda a u hegen ne.

Hosea 4:6

Ior Av ve saa ishe sha ci u mban u mfe; sha ci u u vende mfe yô, Mo kpaa Me venda u, ú kera lum pristi ga; er tindi u Aôndo wou a hungul we yô, Mo kpaa ônov ou vea hungul Mo.

Hosea 4:7

Er ve seer ngeen yô, kape ve seer di u eren Mo asorabo je la; nahan Me gema icivir ve ia hingir kunya.

Hosea 5:14

Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Hosea 8:14

Gadia Orgban u Iserael hungul un, a maa ayou a utor; Yuda maa agar kpishi a lun a ugir, kpa Me tindi usu ken agar a na, ua hia ayouautya a a.

Hosea 8:4

Ve ver utor, kpa ka sha ishima Yam ga; ve ver mbatarev kpa ka sha mfe Wam ga; sha azurfa man zenaria ve la, ve er ieev vev sha u timin ayol a ve kera.

Duteronomi 32:18

Kpa Vande u u mar u la, u umbur u ga, Aôndo u A mar u la hungul we.