Hosea 13:2 - ICIGHAN BIBILO

² Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Hosea 13:2 Iomraidhean Croise

1 Utor 19:18

Nahan kpaa, Me shi ior dubu utaankaruhar ken Iserael, ka mba anu a ve a gur Baal inya ga la cii, man hanma zwa u u susu un kpaa ga yô.

2 Kroniku 28:13

ve kaa a ve er: Né nyôr a mbakwarev mban heen ga; gadia ne ver ishima u seer asorabo ase kua ibo yase sha u se̱ hingir mbabov sha ishigh ki TER; gadia ibo yase vese man iyugh i tsung kpaa ngi sha Iserael.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

Upasalmi 2:12

Suse nen Wan zwa, sha er A̱ de yugh man né saa ishe sha gbenda ga yô; gadia ka Un ican u yuwen ga. Mba ve suur sha a Na cii saan ve iyol!

Yesaia 1:5

Ka nyi shi i lu ne pe i̱ seer gbidyen ne, er ne taver ishima u undun gbenda? Ityough cii gba angev, kua ishima cii kpaa ure.

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 44:11

Nenge, mba ve nyer nongo a nan cii, kunya ua kôr ve; mbatomov je kpaa, ka ior tsô; de ve cii, ve̱ kohol ijiir i môm, ve̱ mough, ve̱ tile sha; vea cia, kunya kpaa ua kôr ve imôngo cii.

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yesaia 46:6

Ve mba ve haa zenaria u ken ikpa hen inya, man shi ve karen azurfa sha iyôgh ki karen kwagh a min la, ka ve er tôndo a orvarenzenaria er nana̱ er aôndo a mi; maa ve gule inya ve civir!

Yesaia 46:8

Umbur nen kwagh ne, lu nen nomso; shi hen nen ken ishima, ne mba ne peren atindi.

Yeremia 10:4

Ve cir u azurfa iyol kua zenaria; ve mande u ukusa sha mbamtalega sha er ua tenger ga yô.

Yeremia 10:8

Kpa ve imôngo cii, ve lan kwagh ve bume; ityesen i ieev ka kon tsô.

Yeremia 8:5

Ka sha ci u nyi je ior mba Yerusalem mban mhirjime ve a lu mhirjime u gbemee? Ve kôr icugh gbang, ve venda u hiden.

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Hosea 10:5

Ishima ngi nyian mbateman ken Samaria sha ci u wanbua u Bete-aven; gadia ior nav vea zungwen un, man upristi nav kpaa, mba ve lu ember un sha ci u icivir na la, vea zungwe, gadia i kar her a na kera.

Hosea 11:2

Er i yila ve ngegh kpaa, ve hemba yemen a yem ca; ve na Ubaal nagh ku sôngon, man ve nande ieev mbi gban a gba nagh ku human doon.

Hosea 11:6

Sanker una ta num sha agar a na, una vihi uishindan nav vea saa ishe, sha ci u mbamhen vev mba ve hen la.

Hosea 14:3

Ashiria una yima se ga; sé henda anyinya ga; man sé kera yila tom wase u aveegh ser: Aôndo wase, ga; gadia ka her a We ancôgholov ve zough a mhôônom ma zungwen ye.

Hosea 2:8

Gadia a kera fa er i lu Mo M ne un samuyia man wain man mkurem, man M seer un azurfa man zenaria mba ve gem ve ne Baal la ga.

Hosea 4:17

Eferaim var a akombo; de un tsô.

Hosea 8:4

Ve ver utor, kpa ka sha ishima Yam ga; ve ver mbatarev kpa ka sha mfe Wam ga; sha azurfa man zenaria ve la, ve er ieev vev sha u timin ayol a ve kera.

Hosea 8:5

Wanbua wou ndôhôr ishima, Samaria; iyugh Yam yegh sha a ve; ka hanma shighe je vea hingir wan ga?

Hosea 8:6

Gadia kwagh ne due ka ken Iserael; or u eren eev er un, ka aôndo ga; wanbua u Samaria la, á hembe un avur avur.

Numeri 32:14

Nenge, ne mough sha ityough ki uter enev, ne tsombor u eren kwaghbo ne, sha u né seer ishimavihin i TER a Iserael i tsung la, i̱ za a za hemen yô.

Mbaromanu 11:4

Kpa Aôndo gema kaa er nana? A kaa er: Ior shi mbam her dubu utaankaruhar mba ve gur anu inya hen Bala ga yô.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:13

Kpa udangmbaiorov man mbatsughunior vea yem hemen hemen vea hemba vihin a vihi kwagh. Mba tsughun ior man ve di kpaa mba gem mba tsughun ve.

1 Samuel 10:1

Tsô Samuel tôô gbermkure haa un sha ityou, suse un zwa, kaa er: TER kera shighe u mkurem er u̱ hingir tor sha dyako Na gaa?