Hosea 13:15 - ICIGHAN BIBILO

¹⁵ Shin er una ume atam ken atô u anmgbianev nav nahan kpaa ahumbe a ken ityoughkitaregh aa va, ahumbe a TER, aa due ken desereti; nahan hwembe na ua uma, imbor na kpaa ia uma; aa kura un ikav nav mbi injaav cii kera.

Hosea 13:15 Iomraidhean Croise

Genese 41:23

ken masejime asagher agen shi due ataankarahar tsuasaa, shi lu tsaasaa, ahumbe a sha ityoughkitaregh va ta sha mi, uma a kera.

Genese 41:52

Idyondon la, a ii un iti er Eferaim; gadia a kaa er: Aôndo nam, m mar ônov ken tar u ican yam.

Genese 41:6

Ken masejime asagher agen shi due ataankarahar a lun tsaasaa, ahumbe a sha ityoughkitaregh va ta sha mi, uma a kera.

Genese 48:19

Kpa ter na venda, kaa er: M fa wan wam, m fa, un kpaa una hingir ikurior, un kpaa, una due iti; kpa anngô na u kiriki una hemba un; tsombor na ua hingir ikpila i akuraior.

Genese 49:22

Yosev ka semenkon u umen atam, semenkon u umen atam, u hen imbormnger; agbaa a na nga samber sha kurgar, haan ken won.

Yobu 18:16

Amise a nan uma shin inya, vegher u sha yô, gbaa u nan use.

Upasalmi 1:4

Mbaaferev yô, mba nahan ga; ve yô, mba er imough i ahumbe a purugh a i yô,

Upasalmi 109:13

Tsombor na, u̱ tim, iti ve i̱ hungul ken kov u ua va mough la kera.

Yesaia 14:21

Wa nen ago iyol sha u wuan ônov nav, sha ci u ifer i uter vev, sha er ve̱ de moughon, ve̱ ngohol tar, ve̱ ivin agar sha tar ga.

Yesaia 17:13

Akuraior ka a hura er ihuran i mngerem ma kpishim yô, kpa Una zôhô a ve, tsô vea nyôngoso vea yem ca je, á num ve er imough i sha iwo, i ahumbe a purugh a i yô, man er ihundu i hiar sha ishigh ki uraahumbe nahan.

Yesaia 27:8

Ka sha u zendan ve nan ve gbenda, U nenge num a ve ye; A kar a ve kera sha ahumbe Na a taver, sha iyange i ahumbe a a dugh sha ityoughkitaregh la.

Yesaia 41:16

Ú peer ve, ahumbe aa purugh a mi kera, hiar una sambe ve kera; kpa we yô, ú ember ken TER, ú ta ihagh sha Icighan u Iserael.

Yeremia 20:5

Man shi Me na inyaregh ki gar ne cii, man mtsera na cii, man ikav nav mbi taver ishe cii; een, akaa a injaa a utor mba Yuda cii, Me na a sha ikev i mbaihomov vev, vea ya ishar sha a, vea kura a, man vea yem a mi sha Babilon

Yeremia 4:11

Hen shighe la á kaa ior ne kua Yerusalem er: Ahumbe a tseen a a dugh sha agungu a penem penem ken taaikôngo, nga karen yemen hen wankwase u ior av, kpa ka sha u peer ga, shin sha u wanger kpaa ga;

Yeremia 4:12

ahumbe a taver a hemban nga van sha ci Wam; hegen yô, Mo Me ôr ve ijir.

Yeremia 51:1

TER ngu kaan nahan er: Nenge, Me kpoghol jijingi u ortimin akaa kera la, a̱ va ta sha Babilon man sha ior mba asema a ve a hendan a Mo la.

Yeremia 51:36

Nahan yô, TER ngu kaan nahan er: Nenge, Me ta ikaa a we, man Me or iyev sha ci wou; Me uma zegemnger na, man Me na imbormnger na kpaa ia uma.

Esekiel 17:10

Een, nenge, er i lee u nahan kpaa, á kpe u iyol je kpa? Ua kera use purututu zum u ahumbe a sha ityoughkitaregh a va sha u la ua use hen ijiir i u mende la je, gaa?

Esekiel 19:12

Kpa i wuhe un kera sha ishima i vihin, i ta un inya; ahumbe a sha ityoughkitaregh uma atam a u; i kever agbaa a u, a taver la, usu hia a kera.

Daniel 11:8

mbaaôndo vev man ieev vev mbi keren a ker, a ikav vev mbi dedoo, mbi sha azurfa man sha zenaria, una kura kera, una yem a mi ken Igipiti; una mem u nôngon ityav a tor u sha imbusutarimese anyom á kar.

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Hosea 2:3

gayô, Me kura un akondo una hingir idyelegh una tile er sha iyange i i mar un la nahan; man Me er un una hingir er desereti nahan, Me gema un una hingir er tar u ombor yô, Me wua un sha imura.

Hosea 4:19

Ahumbe hure ve ken akper a a; vea va ahenge sha ci u iniav vev mbila.

Hosea 9:11

Sha kwagh u Eferaim yô, icivir ve ia purugh kera er inyon nahan; ma mmar una kera lu ga, ma iyav mbu wan kpaa ga, man ma iyol i jilen kpaa ga.

Yona 4:8

Tsô zum u iyange due yô, Aôndo na ahumbe a tseen a sha ityoughkitaregh va; nahan iyange ta Yona sha ityou, zan zan a hume, a tôm er ma un kpe, a kaa er: Guda u me kpe a u me lu uma her.

Nahum 2:9

Kura nen ishar i azurfa, kura ishar i zenaria; gadia inyaregh ngee gande, ikav mbi injaav mgbough.

Duteronomi 33:17

Nombua na u iunda ngu a mhembe; akor a na ka akorayaregh je; ka sha a je una mgbegha akuraior cii, je á za ar ken aikighir a tar je; ka udubu pue pue mba Eferaim, man udubu mba Manase je la.