Hosea 13:14 - ICIGHAN BIBILO

¹⁴ Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

Hosea 13:14 Iomraidhean Croise

Yobu 33:24

man aluer Una zungwe nan mhôônom, Una kaa er: Yima nan, nana̱ de senen shin ihungwa ga, M zua a ipaan ve;

Yobu 41:22

Sha mon na la, agee tema ker, mcieryol due ngu tsuwen sha ishigh nagh.

Upasalmi 16:10

Gadia Ú undu uma wam shin Sheol ga; man shi U de Wer, un u i doo U a na la a̱ nenge a ijiir i mtim ga.

Upasalmi 30:3

TERE, U dugh uma wam ken Sheol, U nam uma, m war ken mba ve yem shin ihungwa la.

Upasalmi 49:15

Kpa Aôndo Una paa uma wam sha agee a Sheol, gadia Una tôôm. Sela.

Upasalmi 49:16

De cie zum u orgen nan hingir ornyar, man icivir i seer hen ya u nan la, ga,

Upasalmi 71:20

We u U tesem atsan kpishi a nyoon iyol, Ú shi Ú hidem a uma wam her, shi Ú dughum shin aiv a taregh.

Upasalmi 86:13

gadia erdoo Wou vese hen a mo, U dugh uma wam shin atô u Sheol je.

Yesaia 25:8

Una tim ku sha won kera; Ter AÔNDO Una ese mliam sha ishiv mbi iorov cii, man shi Una hide a ilyahan sha ior Nav kera sha won cii; gadia ka TER je, A er kwagh ne ye.

Yesaia 26:19

Mbakpenev Ou vea lu uma; akom a am kpaa aa nder. Nder nen, wa nen icam, ne mba ne tem shin vuulevu; gadia avure a Ou ka avure a iwanger je, man tar kpaa ua due a ujijingi mba mbakpenev.

Yeremia 15:6

We, u tem kera, kape TER A kaa ne, u hide ijime je; ka sha ci u nahan, M naregh uwegh Agh sha a we, M tim u kera ye; M vôr a afanyô a vaan.

Yeremia 20:16

Or shon la nana̱ hingir er agar a TER yôhôl a, je A kera vaa afanyô ga la, nana̱ ungwa shisha vaa pepe man ikengeutya iyange sha tembe,

Yeremia 31:35

TER u A ne iwanger sha ci u iwanger i atetan, man mzende u uwer man asan sha ci u iwanger i utu, Un u A kpianger zegemnger, je agôndo a na kpaa a te kume; TER u akum a Sha, ka iti Na je la, ngu kaan nahan er:

Esekiel 37:9

Nahan A kaa a mo er: Ôr kwaghôron u profeti a jijingi, ôr kwaghôron u profeti, we wan u or, kaa jijingi wer: Ter AÔNDO ngu kaan nahan er: Va sha ahumbe a anyiin la, we jijingi, va ôô ken mba i woo ve mban, ve̱ hingir uma.

Hosea 6:2

Er ayange á kar kera ahar yô, Una na se uma; sha iyange i atar la Una mough a vese sha, nahan sé lu uma sha ishigh Nagh.

Hosea 7:10

Ihagh i Iserael ngi nan un ibo ken igbar je, nahan kpaa ve hide hen TER Aôndo ve ga, ve kera ker Un kpaa ga.

Malaki 3:6

Gadia Mo TER M gem kposo ga, ka nahan man ne ônov mba Yakob kpaa, i tim ne ga ye.

Numeri 23:19

Aôndo ka or man Una er aie ga; shi ka wan u or man Una vaa afanyô kpaa ga; Una kaa kwagh yô, Una kera er sha mi gaa? Man Una ôr kwagh yô, Una kera kure sha mi vough gaa?

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?

Mbaromanu 11:29

Gadia uiwua mba sha mrumun u sha mhôôn man shi myer u Aôndo la afanyô a vaan nga sha mi je ga.

2 Mbakorinte 5:4

Se mba se lu ken tenti her yô, se mba toghor iyol, kwagh tsule se, sar se pe i̱ bugh se ikondo kera ga, kpa i̱ hemba cirin se a cir i iyol, sha u uma a̱ gema a̱ mena kwagh u a lu u kpen kera la.

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

1 Mbatesalonika 4:14

Aluer se na jighjigh ser, Yesu kpe, shi hide nder yô, kape mba ve kpe ken Yesu la kpaa, Aôndo Una va a ve a Na imôngo.

Yakobu 1:17

Hanma nagh ku dedoo man hanma iwua i vough kpaa ka Sha hen Ter u iwanger ve dugh, ve senen ye. Un yô, ma mgem ngu ken a Na ga, shin mure u mgem tsô kpaa ga.

Mpase U Yohane 20:13

Zegemnger na mbakpenev mba ve lu shin a na la. Ku man Hade kpaa na mbakpenev mba ve lu shin ve la. I ôr hanma or ijir sha aeren a nan ser ser.

Mpase U Yohane 21:4

Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.

Mpase U Yohane 6:8

Tsô nenge, nyinya u fung lu, un u a tema sha mi la, iti na er ku, hade lu zan a na ityô, man i na ve tahav sha tiôn môm u ken atôôn anyiin a taregh, sha u ve̱ wua sha sanker man sha ijen man sha bouange man sha inyamikume i shin tar.

1 Samuel 15:29

Man shi Agee a Iserael kpaa er aie ga, Una vaa afanyô kpaa ga; gadia Un ka or man Una vaa afanyô ga.