Hosea 13:13 - ICIGHAN BIBILO

¹³ Martoghol kôr un; un ka wan u fan kwagh ga, gadia zum u shighe kuma yô, a kera due ga.

Hosea 13:13 Iomraidhean Croise

2 Utor 19:3

Ve za kaa un er: Hesekia ngu kaan nahan er: Iyange ne ka iyange i ican je, man i mtsaha kua ilyahan kpaa; gadia ônov kuma u á mar ve yô, kpa agee a maren ve nga je ga.

Upasalmi 48:6

Ikarikase gbidye ve iyol heregh, mnyoonom kôr ve, inja er kwase ka nana toghor mar nahan.

Anzaakaa 22:3

Orfankwagh ka nan nenge a kwaghbo, nan yer, kpa mbalanenkwagh yô, ka ve kar, ve za ya ican.

Yesaia 13:8

mciem maa ta ve iyol, mtoghor man asemavihin aa tser ve, á nyoon ve er kwase u nan toghol mar nahan; vea kenger ayol a ve a anzughul ken ishima; ishiv vev yô, mbia lu er mbi usuv nahan.

Yesaia 21:3

Ka nahan man awenge am a mgbough a mnyoonom, mtoghor kôrom er martoghol ka ua kôr kwase nahan; m hingir ngugh ngugh je m kera fatyô u ungwan ga, kundam iyol je m kera fatyô u nengen ga.

Yesaia 26:17

Er kwase u wan iyav, shighe u nan u maren ka una mgbôghom yô, nan toghor, nan genger imo ken mnyoonom nam, kape se kpaa se lu sha ishigh You la, TERE.

Yesaia 37:3

Ve za kaa un er: Hesekia ngu kaan nahan er: Iyange ne ka iyange i ican je, man i mtsaha kua ilyahan kpaa; gadia ônov kuma u á mar ve yô, kpa agee a maren ve nga ga.

Yesaia 66:9

Me va a na hen shighe u a kom u maren yô, man Me kera na er wan a̱ due gaa? Kape TER A kaa la. Mo u M ne mar, Me wuhe iyava? Kape Aôndo wou A kaa la.

Yeremia 13:21

Tsô ú kaa nana, aluer Una gema Una ver mba u ye ikar a ve la, er ve̱ tema tor sha a wee? Mtoghor una tser u er kwase u togholmar nahan gaa?

Yeremia 22:23

We or u u tem sha Lebanon, u wa iya you sha ikon i sedar ne, nenge imbamtoghol i ú toghol sha shighe u ican i va tser u yô, bee er ka mnyoonom ma kwase u toghol mar nahan!

Yeremia 30:6

Shi pine nen ase, nenge, nomsoor maren kpa? Hii nan man M nenge hanma or nan suur ave shin iwenge, er kwase ka nana toghol mar man ishiv cii mbi gema mbi hingir peng nahana?

Yeremia 4:31

Gadia m ungwa mliam er ka kwase u nan toghor mar yô, ican er i kwase u nan mar wan u nan u iunda la nahan, mliam ma wankwase u Shion; ngu shirin ishima, naregh ave, kaan er: Kwagh tserem ve! Uma wam vôr sha ishigh ki mbawuanior.

Yeremia 49:24

Damaseku hingir seelee, a gema ijime u yevese, ikarikase gbidye un iyol; ican man ishima i zungwen tser un tsung, er ka kwase u toghol mar nahan.

Hosea 5:4

Aeren a ve rumun u ve̱ hide hen Aôndo ve ga; gadia jijingi u idya ngu ken a ve, man ve kera fa TER kpaa ga.

YOHANE 16:21

Shighe u kwase ka nana maren yô, ishima i vihi nan sha ci u shighe u nan a kom yô; kpa nana maren kera yô, nan kera umbur ican i nan la ga, sha ci u iember i i mar or shin tar ne yô.

YOHANE 5:4

Gadia ortyom u Sha senen hen ityungu la sha ashighe ashighe, a va kpianger mngerem; nahan or u nana vande hungwan shimi zum u a kpianger mngerem la yô, nan war shin nan lu a nyityô uange kpaa.]

Aerenakaa A Mbaapostoli 24:25

Zum u a lu ôron kwagh u perapera, man u kôron iyol tsaha man shi kwagh u ijir i i lu van la yô, Feliku cia sulugha, gema kaa er: Hen shighe ne yô, hira za tsô; iyange i ian ia due dedoo, tsô me yila u;

2 Mbakorinte 6:2

Gadia ngu kaan er: Ka sha shighe u a doo la M ver ato we, sha iyange i myom la kpaa M wase u. Nenge, ka hegen je i lu shighe u doon ye, nenge ka hegen i lu iyange i myom kpaa ye.

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.