Hosea 13:10 - ICIGHAN BIBILO

¹⁰ Tor wou ngu han ase, sha u una yima u ken agar a ou cii, man mbaajiriv ou mba hana, mba u kaa sha kwagh ve wer: Nam tor kua mbatarev laa?

Hosea 13:10 Iomraidhean Croise

1 Utor 12:20

Nahan zum u Iserael cii ungwa gwa er Yerobiam hide yô, ve tindi i za yila un er a̱ va hen mkohol, nahan ve ver un tor sha Iserael cii; ma orgen ta ken ya u Davidi ga, saa kwe u Yuda tseegh.

2 Utor 17:4

Kpa tor u Ashiria kav er Hoshea a zough zwa a ior sha a na yô, gadia a tindi mbatyomov hen So, tor u Igipiti, a kera na tor u Ashiria kpandegh er a eren anyom anyom nahan la ga; nahan tor u Ashiria wuhe un ken gaadi.

Upasalmi 10:16

TER ka Tor gbem sha won; atôatyev tim ken tar Na kera.

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 44:4

Ka We je, U lu Tor wam ye, Aôndo; kaa i̱ na Yakob mhembe.

Upasalmi 74:12

Nahan kpaa Aôndo ka Tor wam hii ngise je, eren tom u myom sha tar.

Upasalmi 89:18

Gadia perutya wase ka u TER je; tor wase kpaa ka Icighan u Iserael la.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 43:15

Mo M ngu TER, Icighan wen, Orgban u Iserael, Tor wen.

Yeremia 2:28

Tsô mbaaôndo ou mba u er sha ci wou la mba hana? Ve̱ mough ase sha, aluer vea fatyô u yiman we sha shighe u ican you yô, gadia er iyenge i agar a ou i lu nahan, kape mbaaôndo ou kpaa ve lu la, we Yuda.

Yeremia 8:19

Ungwa! Imo i mlia i wankwase u ior Av ken tar u icaa tsung je; TER kera ngu ken Shion gaa? Tor na kera ngu keregh gaa? Ka nyi man ve bamen Mo sha ieev vev mbi gban man sha akaagbilinigh a tar ugene?

Ukwelegh 4:20

Iôôn i ahenga ase, un u TER A shigh un mkurem la, ve kôr un shin ahungwa a ve, u se fa ser, ka ken mure na sé tema ken akuraior ye.

Hosea 10:3

Hegen vea kaa er: Se mba a tor ga; aluer se mba cian TER ga yô, tor yô, una wase se sha nyi?

Hosea 13:4

Nahan kpaa, Mo M ngu TER, Aôndo wou, hii ken tar u Igipiti je, u fa ma aôndo ugen ga saa Mo; Oryiman ugen ngu ga saa Mo.

Hosea 3:4

Gadia Mbaiserael vea lu a tor ga ayange kpishi, ortaregh kpaa ga, nagh ku nan kpaa ga, ityôgh ki iwenegh kpaa ga, efodi man terafim kpaa ga;

Hosea 7:7

Ve cii, ve tsee er atse nahan, mba hian mbaajiriv vev kera, utor vev cii gba; mô ve môm ngu yilan Mo ga.

Hosea 8:4

Ve ver utor, kpa ka sha ishima Yam ga; ve ver mbatarev kpa ka sha mfe Wam ga; sha azurfa man zenaria ve la, ve er ieev vev sha u timin ayol a ve kera.

Sekaria 14:9

TER Una tema tor sha tar cii; sha iyange la TER Una lu môm man iti Na kpaa ia lu i môm.

YOHANE 1:49

Natanael kaa a Na er: Rabi, U ngu Wan u Aôndo, U ngu tor u Iserael.

1 Samuel 8:7

TER gema kaa a Samuel er: Ver ato, ungwa hanma kwagh u ior vea kaa u cii; gadia ka we ve vende ga, kpa ka Mo ve vende er M̱ de lu tor ve ga ye.