5 ka TER, Aôndo u akum a Sha, iti Na er TER.
Tsô Yakob nder, a kaa er: Mimi je, TER ngu hen ijiir ne, man mo yô, m fa ga.
Yakob maa ii ijiir la iti er Peniel; gadia a kaa er: M zua ishigh a Aôndo, nahan kpaa, uma wam war.
Aôndo shi ande hen Yakob, zum u a hide ken Padan-aram la, A ver un doo doo.
TERE, iti You yô, ka i tsôron gbem sha won; TERE, m-umbur u á umbur We kpaa, á lu sha ikov ikov.
Wa nen icam i civir TER, ne mba i doo Un a ven ne, wuese nen icighanti Na.
Shi Aôndo kaa a Mose er: Kaa Mbaiserael nahan wer: TER, Aôndo u uter enev, Aôndo u Aberaham man Aôndo u Isaka man Aôndo u Yakob, tindim hen a ven; ingin ka iti Yam gbem sha won je ne, ka sha i je á umbur Mo sha ikov ikov ye.
Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.
