Hosea 12:3 - ICIGHAN BIBILO

³ Ken uya a kôr anngô na sha ikishinguhar, man er a kuma or yô, a nôngo wav a Aôndo;

Hosea 12:3 Iomraidhean Croise

Genese 25:26

Ken masetyô la anngô na due, kôr uwegh sha ikishinguhar i Isou, nahan i ii un iti er Yakob; Isaka lu anyom akunduatar zum u a mar ve la.

2 Utor 17:18

Nahan ishima vihi TER a Iserael kpishi, A kar a ve sha ishigh Nagh kera, mô kera shi ga, saa kwe u Yuda tseegh.

2 Utor 17:20

Nahan TER venda tsombor u Iserael cii, A er ve ican, A na ve sha ikev i mbayanshar zan zan A zenda ve sha ishigh Nagh kera.

2 Utor 17:23

zan zan TER kar a Iserael sha ishigh Nagh kera, er lu kaa mbayev Nav uprofeti ve gema ve ôr yô; ka nahan man i dugh Iserael ken tar na kera, i yem a ve ken Ashiria uikangen zan zan nyian ye.

Yeremia 2:9

Ka sha ci u nahan shi Me nôngo num a ven, kape TER A kaa ne; man ônov mba ônov enev kpaa, Me nôngo num a ve.

Esekiel 7:3

Hegen yô, mkur va sha a we, Me tindi ishima Yam i vihin sha a we, man Me ôr u ijir sha aeren a ou, man Me tsaha u sha akaa a ou a ndôhôrshima cii.

Esekiel 7:8

Ahegen yô, kera shi vese ga tsô, Me haa ishimavihin Yam sha a we, Me kure ishimavihin Yam sha a we, Me ôr u ijir sha aeren a ou; man Me tsaha u sha akaa ou a ndôhôrshima la cii.

Hosea 4:1

Ungwa nen imo i TER ne Mbaiserael; gadia TER ngu a ayôôso a mba ve tem ken tar ne, sha ci u jighjigh a lu ga, dooshima kpaa ga, shin u fan Aôndo ken tar ne kpaa ga yô.

Hosea 4:9

Er á er a ior nahan, kape pristi kpaa á er a nan la; Me tsaha un sha ci u igbenda na la man Me na un injar sha aeren a na.

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Mika 6:2

Ungwa nen ijir i TER A yer yô, ne iwo, man ne amagh a taregh a tsan sha won, gadia TER ngu yilan ior Nav ijir, Una ôr Iserael ijir.

Mbaromanu 9:11

Kpa er i lu a mar ve ga la je, ve lu a er kwagh u bo shin u doon kpaa ga, lu sha u awashima u Aôndo sha mtsough u Una tsuwa ve la a lu her,