Hosea 12:11 - ICIGHAN BIBILO

¹¹ Er Gileadi vande lun iferkwagh yô, ve hingir gbilinkwagh cii; ken Gilgal mba nan nagh ku sôngon sha anomabua; atse ve a nanden nagh sha mi la aa hingir er atihi a awen ken ihighasule nahan.

Hosea 12:11 Iomraidhean Croise

1 Utor 17:1

Tsô Eliya Ortishibi u hen Tishibi u ken Gileadi la, a kaa a Ahaba er: Mimi je, er TER, Aôndo u Iserael, u m til sha ishigh Nagh A lu u uma ne, avure aa kera gba ga, ura kpaa ua kera nôô ken anyom ne ga, saa sha imo yam.

2 Utor 17:13

Kpa TER pase Iserael kua Yuda sha hanma profeti man hanma ornengenakaa er: Gema nen, undu nen aferakaa a en, waan nen atindi a Am man akaawan a Am iko sha gbenda u atindiakaa cii a M wa uter enev man shi a M tindi ne a mi sha ikev i mbayev Av, uprofeti la.

Yeremia 10:15

Mbi gbilin tsô, ka tom u icughugh; sha shighe u mtsaha u mbi yô, mbia saa ishe.

Yeremia 10:8

Kpa ve imôngo cii, ve lan kwagh ve bume; ityesen i ieev ka kon tsô.

Yeremia 2:20

Gadia hii tsuaa je u sombo igbur you man u tôndo ikangenev you kera, u kaa wer: Me kera er tom ga; gadia sha hanma igungu u taven kua shin hanma kon u hômon je, u ngurum her er idyakwase nahan.

Yeremia 2:28

Tsô mbaaôndo ou mba u er sha ci wou la mba hana? Ve̱ mough ase sha, aluer vea fatyô u yiman we sha shighe u ican you yô, gadia er iyenge i agar a ou i lu nahan, kape mbaaôndo ou kpaa ve lu la, we Yuda.

Esekiel 17:2

Wan u or, ta kikya, ôr ya u Iserael injakwagh;

Hosea 10:1

Iserael ka kon u wain u hômon gese gese, u umen atam a u; er a seer umen atam yô, kape a seer di u tan atse a nanden nagh sha mi; er tar na u ze hemen, u doo yô, kape a timen mtôm ma awenem ma doon ashe kpaa la.

Hosea 10:2

Asema nga ve ahar, hegen yô, vea ya ibo; Una hembe atse a ve a nanden nagh sha mi, Una vihi mtôm vem ma awenem kera.

Hosea 4:15

Shin er we Iserael u eren idya, nahan kpaa Yuda a̱ de hingir u lun a ibo ga; de kera ve nen hen Gilgal ga, man shi de kera ze nen sha Bete-aven ga, man de kera bumun kaan wer: Er TER A lu uma ne, kpaa ga.

Hosea 6:8

Gileadi ka gar u mbaerenafer, a côvor sha awambe.

Hosea 8:11

Gadia Eferaim a seer a seer atse a nanden nagh sha mi sha u eren kwaghbo, a hingir un atse a eren kwaghbo sha mi.

Hosea 9:15

Iferkwagh ve cii ngi ken Gilgal; ka keela M ker ve ihom ye; sha ci u iferkwagh i aeren a ve la Me zenda ve ken iyou Yam kera; vea kera doom ishima ga; mbatarev vev cii ka mbaahendanev je.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 5:5

Kpa de kera keren nen Betel ga, de nyer nen ken Gilgal kpaa ga, shi de ze nen hen Bersheba kpaa ga; gadia á yem a Gilgal uikangen kpee je, man Betel kpaa una hingir gbilinkwagh.

Yona 2:8

Mba ve civir akombo a gbilinigh yô, ve undu Un u A zungu ve mhôônom la.

Numeri 12:6

A kaa er: Ungwa nen imo Yam yôô; aluer profeti a lu ken a ven yô, Mo TER Me pase iyol Yam her a na sha mpase u nengen a nenge a mi, Me ôr kwagh a na ken mnyam ma cien.