Hosea 11:8 - ICIGHAN BIBILO

⁸ Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Hosea 11:8 Iomraidhean Croise

Genese 14:8

Tsô tor u Sodom man tor u Gomora man tor u Adema man tor u Seboim man tor u Bela, ka Soar je la; ve due ve cinge ityav a ve shin pev u Sidim;

2 Samuel 24:16

Zum u ortyom la naregh uwegh sha gar u Yerusalem sha u una tim un yô, mhôônom kôr TER sha kwaghbo la, A gema A kaa a ortyom u timin ior la er: Kuma ve; hide a uwegh ough ijime tsô. Ortyom u TER gema lu hen vande u gbiren alakema u Arauna Oryebushi la.

1 Utor 3:26

Tsô kwase u wan u uma lu u na la, ôr kwagh a tor, gadia mhôônom kôr un a wan na, a kaa er: Terem, gba nan un wan u uma la tsô, de woo un je ga; kpa ugen la kaa er: I̱ de lu u wam shin u wou kpaa ga, i̱ gba paven tsô.

2 Utor 13:23

Kpa TER er a ve dedoo, zungwe ve mhôônom, A umbur ve sha ci u ikuryan Na i A ya a Aberaham man Isaka kua Yakob la, nahan A rumun u timin ve ga, man shi lu a ta ve kera sha ishigh Nagh ga, zan zan hegen.

2 Kroniku 36:15

Tsô TER, Aôndo u uter vev, tindi mbatyomov Nav her a ve tugh man tetan sha u wan ve kwagh, sha ci u mhôônom lu kôron Un a ior Nav kua ijiir Na i teman kpaa yô;

Upasalmi 106:45

a umbur ikuryan Na sha ci ve kpaa, mhôônom kôr Un, sha ci u A ngee a erdoo yô.

Yesaia 16:11

Ka nahan man myam am ma eren imo er adiguve nahan sha ci u Moabi kua ishima yam kpaa sha ci u Kir-hereshi ye.

Yesaia 63:15

Hen ijiir You i teman i tseghan kua i icivirigh la, shir ashe shin, nenge. Gbashima Wou kua aeren a Ou a utaha nga hana? Mhôônom Ou ma kôron tsung ma ken ishima kua mhôônom Ou ma zungwen la kera ma a mo ga.

Yeremia 18:8

kpa aluer ikurior i M ter i la, ia gema ia undu ifer i i yô, Me vaa afanyô, Me de kwaghbo u M we ishima u eren i la.

Yeremia 3:12

Za, za yôô akaaôron ne vegher u hen imbusutarimese, kaa wer: Hide, we Iserael u u undu mimi wou la, kape TER A kaa ne; Me kera kenger we a iyugh ga, gadia Mo M ngu u zungwen mhôônom je, kape TER A kaa ne; ishima ia vihim zan zan gbem ga.

Yeremia 31:20

Eferaim ka wan u ishima ishima udoon mo ishima kpen kpen gaa? Gadia hanma shighe u ka Mea teren un sha ishimavihin yô, M gba umbur un di sha gbashima je, nahan yô, a sar ishima Yam tsung, mimi je, Me zungwe un mhôônom, kape TER A kaa ne.

Yeremia 42:10

Aluer nea tema gil gil ken tar ne yô, nahan Me maa ne, Me yôhôl ne ga, Me môôr ne, Me wuhe ne ga; gadia M vaa afanyô sha kwaghvihin u M er ne la.

Yeremia 9:6

Ya wou ngu ken atô u icugh, sha ci u icugh ve yô, ve venda u fan Mo, kape TER A kaa ne.

Yeremia 9:7

Nahan yô, TER u akum a Sha ngu kaan nahan er: Nenge, Me sough ve, Me kar ve; gadia Me er nana ase, sha ci u wankwase u ior Ava?

Ukwelegh 1:20

Nenge, TERE, gadia ican tserem; myam am ma zômon; ishima ngi geman mo ken vanger; gadia m hendan sha apera. Ken won sanker ngu wuan, ken ya yô, gema ka ku.

Ukwelegh 3:32

Gadia shin er A na ishima i vihin, nahan kpaa mhôônom maa kôr Un sha mngee u erdoo Na la.

Ukwelegh 3:33

Gadia ka ishima Na u eren ônov mba iorov ican man u vihin ve ishima kpaa ga.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Esekiel 6:9

Ve mba ve wer ken a ven la, vea umbur Mo ken akuraior henpe á yem a ve uikangen la, zum u Me vihi ishima ve i idya i i pav a Mo la kera, kua ashe a ve kpaa, a a za idya sha akombo a ve la, nahan ishima ia ndôhôr ve a ayol a ve sha ci u aferakaa a ve er sha akaa ve a ndôhôrshima la cii.

Hosea 6:4

Me er nana a we, we Eferaim? Me er nana a we, we Yuda? Gadia dooshima wen ngu er ka ibeenegh ki pepegh yô, man er avure a ka a ndoor kera fese yô.

Hosea 7:1

Zum u M ver ishima u wanger Iserael yô, nahan ifer i Eferaim gema due ken igbar kua aeren a bo a Samaria kpaa, gadia ve eren kwagh sha aie; ormbaiv ngu nyôron, man ikum i mbanumungbenda ngi numun ken won.

Amoshi 4:11

M yôhôl ne er Aôndo yôhôl Sodom man Gomora nahan, ne lu er ityôndo i i sase duen a mi ken usu yô; nahan kpaa, ne hide her a mo ga, kape TER A kaa la.

Amoshi 7:3

TER gema ishima sha kwagh la. Á kera lu nahan ga, kape TER A kaa la.

Amoshi 7:6

TER gema ishima sha kwagh la. Ngun kpaa una kera lu nahan ga, kape Ter AÔNDO A kaa la.

Mika 5:3

Nahan yô, Una na ve kera zan zan shighe u un u toghol mar la una mar; nahan asande a anmgbianev Nav a a shi her la aa hide a Mbaiserael imôngo.

Sefania 2:9

Nahan yô, TER u akum a Sha, Aôndo u Iserael ngu kaan nahan er: Er M lu u uma yô, mimi je, Moabi una hingir er Sodom, man Mbaamon er Gomora nahan, ijiir i imo menden her man ahungwa a bar, man ice gbem sha won; asande a ior Av aa sar ve, man asande a ikurior Yam a a shi her la aa ngohol ve.

Mateu 23:37

Yerusalem, Yerusalem, we u u woo uprofeti man u te mba i tindi ve her a we, awen ne; ka acin a me je man i lum pe kohol ônov er ngôikegh ka a kohol ônov nav shin akper a na nahan, kpa ne rumun ga!

Duteronomi 29:22

Kov u u ve la, ônov enev mba vea mough ken ijime yen la, man or u hen nongo ugen u nan dugh ken tar u icaa kpaa, vea ôr kwagh zum u vea nenge atsan a hen tar la, man angev mbu TER A hee u mbu la;

Duteronomi 29:23

er inya i tar la cii kpaa i hingir sulfur man bar sha mnande u i nande u la, i kera lee kwagh sha i ga, man i mende iyiagh kpaa ga, ma kwagh môm kpaa kera mende sha i ga, er mtim u Sodom man Gomora man Adema man Seboim nahan, mba TER tim ve sha ishima i vihin Na man iyugh Na,

Duteronomi 32:36

Gadia TER Una ôr ior Nav ijir sha mimi, mhôônom maa kôr Un a mbayev Nav, zum u Una nenge agee ve aa bee yô, man ma or kera shi ga, u ken uikangen shin u nan tem enger enger kpaa ga.

2 Peteru 2:6

Man A nande agar a Sodom man Gomora a hingir mtwem, A na ve ibo, i tim ve kera, A gema ve ve hingir ikav hen mba vea va venda Aôndo la cii.

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.

Mpase U Yohane 11:8

Akom a ve aa lu sha gbenda ken zegegar u i yer un sha inja i jijingi er Sodom man Igipiti her ape Ter ve kpaa, i mande Un sha terankon la.

Mpase U Yohane 18:18

Mba nengen mnyim ma mhie na yô, ve genger imo ve kaa er: Ka hanma gar a kom sha zegegar nee?

Mbaajiriv 10:16

Tsô ve dugh mbaaôndo mbagenev ken a ve kera, ve gema ve civir TER; nahan ishima vihi Un sha ci u ican i Iserael.