Hosea 10:12 - ICIGHAN BIBILO

¹² Lôô nen perapera sha ci wen, sunda nen dooshima; kaha nen utsa enev, gadia shighe kuma u keren TER, zan zan Una va nôô perapera sha a ven er ka ura nahan.

Hosea 10:12 Iomraidhean Croise

Upasalmi 105:4

Ker nen TER kua agee a Na kpaa, keren nen ishigh Nagh gbem.

Upasalmi 72:6

A̱ lu er ura u u nee sha toho u i tende u yô, man er iura i nôôn shin inya yô.

Anzaakaa 11:18

Orifer ka nan ngohol injar i kpeegh, kpa u nan lee perapera yô, injar i nan ka i mimi je.

Anzaakaa 18:21

Ku kua uma mba ken tahav mbu nombor, mba ve doo a u la, vea zua a atam a u.

Orpasenkwagh 11:6

Lôô ivor you pepe, man aikighe kpaa de hiden a uwegh ough ga; gadia u fa i ia doo la ga, shin ka ngin shin ka ngila, shin ihiar cii ia doo u.

Yesaia 30:23

Tsô Una na ura sha ci u ivor you i lôôn ken sule, kua alakema u eren bredi a mi, ka iyiav mbi i zough a mi ken sule je la; mbia doo ken zwa, shi mbia taver or agee. Sha iyange la yô, uzendenya ou vea ya toho hen ijiir i yan toho i gbangese.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 32:20

Á saan ne iyol, ne mba ne lee hen hanma ijiir i mngerem ma lu her la cii, ne mba ne de angahar a bua kua a jaki a zenden enger enger yô.

Yesaia 44:3

Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Yesaia 45:8

Ne usha, haa nen aber shin inya, abeen kpaa A̱ nôô perapera shin inya, tar u̱ bugh, myom a̱ due, perapera a̱ mende nongo; gadia ka Mo TER M gbe u ye.

Yesaia 48:18

Ma u ver ato sha atindi Am, tsô bem wou ma a lu er ifi nahan, man shi perapera wou kpaa ma a lu er agôndo a zegemnger nahan,

Yesaia 5:6

Me vihi u kera, á kera sôr u agbaa ga, á vughul u kpaa ga; kpa ua mende usaa kua sagher; Me ta abeen icin, á kera nôô ura sha u ga.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yeremia 50:4

Sha ayange la man sha shighe la, kape TER A kaa ne, Mbaiserael vea va, ve kua Mbayuda, vea kôr gbenda vea lu vaan hiden, keren TER, Aôndo ve, kpaa.

Esekiel 34:26

Me gema ve kua ajiir a a kase sha igungu Wam la, aa hingir iveren i dedoo; Me na ikumenura ua nôô sha shighe na; á lu ikumenura u haan iveren.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Hosea 14:1

We, Iserael, hide hen TER, Aôndo wou; gadia u nôngo gbev sha ifer you.

Hosea 6:3

Yô, sé fa nen, sé nôngo nen tsung u fan TER; mdugh Na ka u kpee je, er m-av u use nahan: Una va hen vese er ura nahan, er ka ura u masetyô u haan mngerem inya yô.

Hosea 8:7

Gadia ve lôô ahumbe, vea gema á sunda hiar; asagher nga ga, kwagh u menden la kera ngu a mwem ga; aluer una we sam kpaa atôatyev ma a ye u.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Amoshi 5:4

Gadia TER ngu kaan a ya u Iserael nahan er: Kerem nen, nahan né lu uma.

Amoshi 5:6

Ker nen TER, nahan né lu uma; gayô, Una yegh er usu nahan ken ya u Yosev, u ua hia je or u pirin u sha ci u Betel nana lu ga;

Amoshi 5:8

Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Luka 13:24

Nôngo nyôr nen hen hunda u hogholoo, gadia M kaan ne ne, ior kpishi vea nôngo u nyôron, kpa vea fatyô ga.

Aerenakaa A Mbaapostoli 2:18

Mbatomov Av mba nomso man mba kasev kpaa, sha iyange la, Me haa Jijingi Wam sha a ve, vea ôron kwaghôron u profeti.

2 Mbakorinte 9:10

Un u A ne ortanivor la ivor, shi A lu nan bredi sha ci u kwaghyan la yô, Una na ne ivor i tan, Una seer i, shi Una seer atam a perapera wen kpaa,

Yakobu 3:18

Ityamegh ki perapera yô, ka i lôô ki sha bem sha ci u mba ve ker num la.