Hosea 1:7 - ICIGHAN BIBILO

⁷ Kpa Me zungwe ya u Yuda mhôônom, Me yima ve sha er M lu TER, Aôndo ve yô; Me yima ve sha ada shin sha sanker shin sha ikav mbi utyav shin sha anyinya shin sha mbaanyinyav kpaa ga.

Hosea 1:7 Iomraidhean Croise

2 Utor 19:29

Kwagh ne una hingir we ikav: inyom ne, né ya kwagh u a gbe menden iyol na tsô yô, inyom i sha kpaa né ya kwagh u una shi á mende la, kpa ken inyom i sha utar la yô, lôô nen, sunda nen, môôr nen ikon i wain, ya nen atam a i.

2 Utor 19:34

Me kumba gar ne, Me yima un, sha ci Wam iyol Yam, man sha ci u wanakiriki Wam Davidi kpaa.

2 Utor 19:35

Tsô ken tugh mbula je, ortyom u TER due wua ior dubu deri man dubu akunduanyiin kar utaan ken afo a Mbaashiria. Zum u ior nder pepe yô, nenge, ve lu akom gbulugh gbulugh.

2 Utor 6:18

Er ve sen her a na yô, Elisha sôn TER, kaa er: Shi pir ior mban ashe. Tsô A pir ve ashe sha imo i Elisha la.

Upasalmi 33:16

Ma tor nan wer sha ikumutya i vesen ga, ortaveryol kpaa nan wer sha mvese u agee a nan ga.

Upasalmi 44:7

Kpa We, U yima se sha ikev i mbaahendanev asev, man shi U va, mba ve ker se ihom la, ahenge kpaa.

Ekesodu 14:13

Kpa Mose kaa a ior er: De cie nen ga, tile nen her, nenge nen myem u TER Una yima ne nyian yô; er ne nengen Mbaigipiti nyian nahan, mayange né kera shi nenge a ve sha won ga,

Ekesodu 14:30

Kape TER yima Mbaiserael sha ikev i Mbaigipiti sha iyange la je la; Mbaiserael nenge akom a Mbaigipiti hen kpezegemnger.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yeremia 25:5

lu kaan er: Shi gema nen, hanmô wen nana̱ undu gbenda u nan u bo kua shi afer a aeren a en la, tema nen ken tar u TER A ne ne kua uter enev sha ikov ikov je;

Yeremia 25:6

de kera dondon nen mbaaôndo mbagenev, eren nen ve tom man shi civir ve ga, man shi de kera bamen nen Mo sha tom wen u aveegh la ga; nahan Me er ne kwagh u vihin ga.

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Hosea 1:8

Er Lo-ruhama de atumba yô, a wa iyav a mar wan u nomso.

Hosea 11:12

Eferaim kasem sha mbaaie, ya u Iserael kpaa kasem sha icugh, man Yuda kpaa ar ave, kera wa Aôndo iko ga man U a lu Icighan u jighjigh la kpaa ga.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

1 Samuel 17:47

ikpelaior ne cii ia fa er TER A yem sha sanker kua iwange ga yô; gadia ityav ka mbi TER, nahan Una na ne sha ikev yase.