Hosea 1:4 - ICIGHAN BIBILO

⁴ Tsô TER kaa a na er: Ii un iti wer, Yesereel, gadia shi anshighe kpeghee tsô, Me or ya u Yehu iyev sha awambe a Yesereel la, Me er tartor u ya u Iserael ua kure.

Hosea 1:4 Iomraidhean Croise

2 Utor 10:1

Ahaba lu a ônov mba nomso akunduatargber ken Samaria. Tsô Yehu nger uwashika, tindi hen Samaria, hen mbatarev mba Yesereel, ka mbatamen je la, man shi hen mba ve koso ônov mba Ahaba la, a kaa er:

2 Utor 10:17

Va nyer ken Samaria yô, a wua ior mba Ahaba mba ve shi ken Samaria cii zan zan a tim un, sha imo i TER, i A kaa Eliya la.

2 Utor 15:29

Sha ayange a Peka tor u Iserael la, Tigelati-pileser tor u Ashiria va, va ngohol Iyon man Abel-bete-maaka man Yanoa man Kedeshi man Hasor man Gileadi kua Galilia, ka tar u Nafetali cii je la; a kura ve a yem a mi uikangen ken Ashiria.

2 Utor 15:8

Sha inyom i sha ikundugber kar anigheni i Asaria tor u Yuda la, Sekaria wan u Yerobiam ya tor u Iserael ken Samaria, iwer ataratar.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 8:3

Tsô m za hen profeti u kwase, nahan a wa iyav a mar wan u nomso. Tsô TER kaa a mo er: Ii un iti wer, Maher-shalal-hashi-bashi.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 20:3

Tsô kper nan gen yô, Pashur dugh Yeremia igbe. Nahan Yeremia kaa a na er: TER kera yila u iti er Pashur ga, kpa er Magor-misa-bibi (Mcieryol kase tser).

Yeremia 23:2

Nahan yô, TER, Aôndo u Iserael ngu kaan sha kwagh u mbakuranilev mba ve koson ior Av ne, nahan er: Ne gema ne sambe ikumuile Yam, ne zenda i kera, ne kera nenge sha i ga; nenge Me va tsaha ne sha ifer i aeren a en la, kape TER A kaa ne.

Yeremia 3:8

Tsô, m nenge, zum u M pav a Iserael u a undu mimi na la sha ci u ityôikaa i idya na la, man M na un takerada u paven ivôson, nahan kpaa, anngô na u kwase, Yuda, u jighjigh ga la, cia ga, kpa un je kpaa a za a za er idya.

Esekiel 23:10

Mban bugh idyelegh na; ve tôô ônov nav mba nomso man mba kasev, man un iyol na kpaa ve wua un sha sanker; a hingir kasev kwagh u eren ishor a min; gadia ve ôr un ijir, ve tsaha un.

Esekiel 23:31

U zende sha gbenda u anngôu u kwase; nahan yô, Me na iyongo na sha uwegh ough.

Hosea 1:6

Shi a wa iyav, a mar wan u kwase. Nahan TER kaa a na er: Ii un iti wer, Lo-ruhama (i zungwe un mhôônom ga), gadia Me kera seer u zungwen ya u Iserael mhôônom sha u den ve ibo ve ga.

Hosea 1:9

Nahan TER kaa er: Ii un iti wer Lo-ami (Ioravga); gadia ne mba ior Av ga, Mo kpaa Me lu Aôndo wen ga.

Hosea 2:13

Me tsaha un sha ci u ayange a iniongo a Ubaal a un lu nanden ve nagh ku human doon la, man lu eren hwe sha inyarev mbi ken ato man sha asa a engem, dondon sha mbadoon un ishima la, Mo yô, M gema M hungul un, kape TER a kaa ne.

Hosea 2:22

tar ua gema á rumun samuyia man zar u wain man mkurem; ve di vea rumun Yesereel.

Hosea 9:17

Aôndo wam, Una ta ve kera, sha ci u ve ver ato hen a Na ga yô, nahan vea hingir mbaazende azende ken akuraior.

Amoshi 9:8

Yô, nenge, ashe a Ter AÔNDO nga sha tartor u bo la, Me tim u sha tar kera; saa ya u Yakob tseegh Me tim un ci ca ga ye, ka ape TER A kaa ne.

Mateu 1:21

Una mar wan u nomso; ú ii Un iti wer, Yesu; gadia ka Un Una yima nongoior Na sha asorabo a ve ye.

Luka 1:13

Kpa ortyom la kaa a na er: De cie ga, Sekaria, gadia i ungwa msen wou; kwase wou, Elisabetu, kpaa una mar u wannomso, ú ii un iti wer Yohane.

Luka 1:31

Nenge, ú va wa iyav, ú mar wan u nomso, ú ii Un iti wer Yesu.

Luka 1:63

Tsô a sôn kpande u ngeren, a nger er: Iti na er, Yohane. Ve cii kpiligh ve iyol.

YOHANE 1:42

A kua a na a va a na hen Yesu. Yesu kenger un kaa er: We u ngu Shimon, wan u Yona, á masen yilan we er Kefa (inja na yô er Peteru).

Yosua 19:18

Tar ve lu: Yesereel man Kesuloti man Shunem