Hosea 1:11 - ICIGHAN BIBILO

¹¹ Tsô ônov mba Yuda man ônov mba Iserael vea kohol imôngo, man vea ver or môm nana lu ityough sha a ve, vea due ken tar la; gadia iyange i Yesereel ia lu iyange i vesen je.

Hosea 1:11 Iomraidhean Croise

Upasalmi 110:3

Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

Yeremia 30:21

Ortaregh ve á lu or u ken a ve ayol a ve, man or u nan tem tor ken a ve kpaa nana due ken a ve, Me kporom a nan, nana mgbôghom a Mo; gadia ka an je nana cihi nana kporom her a Mo? Kape TER A kaa ne.

Yeremia 30:3

Gadia, nenge, ayange nga van, kape TER A kaa ne, a Me gema mlu u ior Av Iserael man Yuda, kape TER A kaa ne, Me hide a ve hen tar u lu M na uter vev yô, vea ngohol u, ua hingir sha ikev ve kpaa.

Yeremia 30:7

Wuu! Gadia iyange shon gba ikôr je gande agen cii; ka shighe u ican i Yakob je la; kpa á yima un sha i.

Yeremia 31:33

Kpa ikuryan i Me ya a ya u Iserael er ayange ne á kar kera yô, ka i ne, kape TER A kaa ne: Me ver atindi Am ken atô ve je man shi Me nger a ken asema a ve kpaa; nahan Me lu Aôndo ve, ve di kpaa vea lu ior Av.

Yeremia 32:37

Nenge, Me kohol ve ken ityar cii, i M zende ve ve yem ker sha ishima Yam i vihin, man sha iyugh Yam i tsung kua ishimavihin Yam la; shi Me va a ve hen ijiir ne Me ver ve vea tema bem bem;

Yeremia 50:19

Man shi Me hide a Iserael hen ijiir na i yan toho, una yaan toho sha Karmel man Bashan, una ya kwagh sha agungu a Eferaim man ken Gileadi kpaa je una ide.

Esekiel 39:25

Nahan yô, Ter AÔNDO ngu kaan nahan er: Hegen Me dugh Yakob ken uikangen kera, Me hide a ve, Me zungwe ya u Iserael jimin cii mhôônom; Me gba iwuhe sha ci u icighanti Wam.

Hosea 2:1

Kaa nen a anngôôv enev mba nomso ner: Ami (Iorav); man a anngôôv enev mba kasev ner: Ruhama (i zungwe ve mhôônom).

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?