Hosea 1:10 - ICIGHAN BIBILO

¹⁰ Nahan kpaa iyenge i ônov mba Iserael ia lu er waarawa u shin zegemnger, u i fetyô u karen u ga, shin u ôron u kpaa ga yô, tsô hen ijiir i i lu kaan a ve er: Ne mba nongoior Wam ga la, á gema á yila ve er: Ne mba ônov mba Aôndo u uma.

Hosea 1:10 Iomraidhean Croise

Genese 13:16

Man shi Me gema tsombor wou ua hingir er vuulevu u hen inya nahan; aluer or nana fatyô u ôron vuulevu u hen inya yô, ka ape tsombor wou kpaa á ôr u la.

Genese 22:17

Me ver u doo doo, Me seer tsombor wou iyenge er asan a Sha man er waarawa u shin kpezegemnger nahan; tsombor wou ua ngohol hundagar u mbaihomov mba u, ua hingir u ve;

Genese 32:12

Ka We je, U kaa Wer: Mimi je, Me er a we dedoo, Me gema tsombor wou ua hingir er waarawa u zegemnger u i fetyô u ôron u ga, sha ci u mngee u u yô.

2 Samuel 7:24

Shi U ver ior Ou Iserael Wer, ve̱ lu ior Ou gbem sha won; We TER, U hingir Aôndo ve.

Yesaia 43:6

Me kaa a imbusutarimese Mer: Na; shi Me kaa a imbusutariyan kpaa Mer: De kera luun a mi her ga, va a ônov Av mba nomso mba ken ica la kua ônov Av mba kasev mba ken ikighirtar la kpaa;

Yesaia 48:19

man shi tsombor wou ma u lu er waarawa nahan, man ônov mba iyav ou kpaa er ka sam u waarawa yô; ma i gber iti na kera ga, ma i tim i sha ishigh Yagh kera kpaa ga.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 64:8

Kpa hegen yô, TERE, U ngu Ter wase je, se mba inyaityuu man We U ngu Ormaan se; se cii se mba tom u ave Ou.

Yesaia 65:1

M rumun u ungwan ve mba ve pinem ga la; M rumun Mer ve̱ zua a Mo, ve mba ngise ve kerem ga la; M kaa a ikurior i i yer sha iti Yam ga yô, Mer: M ngun heen ne, M ngun heen ne.

Yesaia 66:20

Vea va a anmgbianev enev cii ken akuraior cii, sha ci u nagh ku nan TER, sha anyinya man sha akeke a kpelan, man sha akaa a tôôn ior a mi, man sha mbaalfadari man sha urakumi, á va a ve hen icighanwo Wam Yerusalem, kape TER A kaa la, er Mbaiserael ka ve va a nagh shin tasa u wang, ken iyou i TER nahan.

Yeremia 33:22

Er á fatyô u ôron akum a Sha ga nahan, man waarawa u zegemnger kpaa á fatyô u karen u ga, kape Me seer ingeegh ki vor u Davidi wanakiriki Wam kua Mbalevi mba ve eren Mo tom ne.

Daniel 6:26

M ngu wan tindi mer: Sha ajiir a i lu tartor wam cii, ior ve̱ gbidye ikarikase iyol, ve̱ cia sha ishigh ki Aôndo u Daniel; gadia ka Un A lu Aôndo u uma, u lun gbem sha won ye, tartor Na kpaa ka u timin ga, man tahav Nav mbua lu zan zan mkur je.

Hosea 1:9

Nahan TER kaa er: Ii un iti wer Lo-ami (Ioravga); gadia ne mba ior Av ga, Mo kpaa Me lu Aôndo wen ga.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

YOHANE 1:12

Kpa mba ve rumun Un la yô, ve cii A na ve tahav mbu vea hingir ônov mba Aôndo, ka mba ve ne iti Na jighjigh je la;

Mbaromanu 8:19

Gadia akaa a i gbe a sha won cii nga veren ashe keghen mpase u á va pase ônov mba Aôndo ken igbar la tsung je.

2 Mbakorinte 6:18

Me lu Ter wen, ne di né lum ônov mba nomso man ônov mba kasev, kape Ter Uhembanagee, A kaa la.

Mbaheberu 11:12

Nahan yô or môm u a lu je er ka orkpen nahan la a mar ônov ngee er asan a sha kwavaôndo nahan man er waarawa u hen kpezegemnger nahan, gande u ôron.