Hagai 2:5 - ICIGHAN BIBILO

⁵ sha kwagh u ikur i M ya a ven, zum u ne due ken Igipiti la, man nenge jijingi Wam ngu a ven; de cie nen ga.

Hagai 2:5 Iomraidhean Croise

2 Kroniku 20:17

Ka ne né nôngo ityav mbin ga; wa nen ago iyol, tile nen ving, tsô né nenge myem u TER Una yima ne, we Yuda man Yerusalem; de cie nen ga, asema a̱ de yen ne kpaa ga; kper, due nen, nôngo nen ityav a ve, gadia TER ngu a ven.

Nehemia 9:20

Man shi U na ve Jijingi Wou u dedoo Wer, A̱ tesen ve, U nyume ve mana Wou ken zwa ve ga, U na ve mngerem sha ci u imura ve.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Ekesodu 19:4

Ne nenge kwagh u M er Mbaigipiti man er M tee ne sha akper a aguvegh M ve a ven hen a Mo yô.

Ekesodu 19:6

Ka ne né lum tartor u upristi kua icighanikurior ye. Ka akaa a ú za ôr Mbaiserael je ne.

Ekesodu 24:3

Tsô Mose va ôr ior akaaôron a TER cii, kua akaaôron a jirigh cii; ior cii rumun zwa môm, er: Akaaôron a TER A kaa cii, sé er sha mi.

Ekesodu 24:8

Tsô Mose tôô awambe la, mishi sha ior, a kaa er: Ka awambe a ikuryan i TER A ye a ven sha akaaôron ne cii je ne.

Ekesodu 34:10

Tsô A kaa er: Nenge, yan Yam ikur ne, Me er akaakpilighyol sha ishigh ki ior ou, inja i mayange je i lu a er sha won je ga yô, shin hen hanma ikurior kpaa ga; ior mba u lu hen atô ve cii vea nenge a tom u TER; gadia kwagh u M lu eren a we ne, ka kwagh u cieryol je.

Ekesodu 34:8

Tsô Mose gure fese, wa ityough inya.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:13

Gadia Mo, TER, Aôndo wou, M kôr uwegh ough ku yanegh; M kaa a we Mer: De cie ga, M wasen we.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Sekaria 8:13

Tsô, er ne lu a ifan iyol ken akuraior nahan, we, ya u Yuda man ya u Iserael, kape Me yima ne la, man nea hingir iveren; de kera cie nen ga, taver nen ave a en.

Sekaria 8:15

kape sha ayange angan shi M ver ishima u eren dedoo a Yerusalem man ya u Yuda la; de kera cie nen ga.

Mateu 28:5

Kpa ortyom u Sha la gema kaa a kasev mbala er: De cie nen ga, gadia m fa ka Yesu u i mande Un sha terankon la ne keren ye.

Aerenakaa A Mbaapostoli 27:24

A kaa er: De cie ga, Paulu; tilen you sha ishigh ki Shisar kpee je; nenge, Aôndo kpaa na u mba ve lu zan a we imôngo la cii sha ikev.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Yosua 8:1

Tsô TER kaa a Yosua er: De cie ga, de luun a mciem iyol kpaa ga; kua a mbautyav cii a we imôngo; yô, mough, kôndo sha Ai; nenge, tor u Ai kua ior nav man gar na, kua tar na cii, M na u sha ikev;

Mpase U Yohane 1:17

M nengen a Na yô, m gba hen angahar a Na er orkpen nahan, kpa A penda uwegh Nagh ku yanegh sha mo, A kaa er: De cie ga. Mo M ngu u hiihii man u masetyô kpaa,

1 Samuel 12:20

Nahan Samuel kaa a ior er: De kera cie nen ga; mimi je, ne er asorabo ne cii, nahan kpaa, de kera gbihin nen TER ga, kpa civir nen TER a ishima yen cii;