Hagai 2:4 - ICIGHAN BIBILO

⁴ Kpa hegen yô, taver ishima, we Serubabel, kape TER A kaa ne; man taver ishima we zegepristi Yosua, wan u Yehosadaki, man shi taver nen ishima, ne ior mba hen tar ne cii, er nen tom kape TER A kaa ne, gadia M ngu a ven, kape TER u akum a Sha A kaa ne,

Hagai 2:4 Iomraidhean Croise

2 Samuel 5:10

Nahan Davidi yem hemen hemen, gadia TER, Aôndo u akum a Sha, lu a na.

1 Kroniku 22:13

Nahan ú lu a iveren aluer wea ver ishima u wan akaawan iko kua akaaôron a ijirigh a TER na Mose sha ci u Iserael yô; lu taveraa, taver ishima; de cie kwagh ga, de yen ishima ga.

1 Kroniku 28:20

Davidi kaa a wan na Solomon er: Lu taveraa, taver ishima, er ase nahan; de cie kwagh ga, de yen ishima ga, gadia TER, Aôndo, Aôndo wam, ngu a we je, Una gbihi u ga, Una undu u ga, zan zan ú kure tom u iyou i TER ne cii.

Esera 10:18

Ken ônov mba upristi kpaa, i zua a mbagenev mba ve er kasev ken atôatyev yô. Ken ônov mba Yeshua wan u Yosadaki man angbianev nav yô, lu: Maaseia man Elieser man Yaribi kua Gedalia.

Esera 5:2

Nahan Serubabel wan u Shealtiel man Yeshua wan u Yosadaki ve mough, shi ve gba maan iyou i Aôndo i i lu ken Yerusalem la; mbaprofeti mba Aôndo, lu a ve imôngo, lu wasen ve.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Hagai 1:13

Tsô Hagai ortyom u TER ôr ior loho u TER, a kaa er: M ngu a ven imôngo, kape TER A kaa ne.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Sekaria 8:9

TER u akum a Sha ngu kaan nahan er: Ave a en a̱ taver, ne mba ne ongo akaaôron angan sha ayange ne, sha zwa u uprofeti, hii sha iyange i i tim imagh ki iyou i TER u akum a Sha, sha u á maa i ka tempel je la.

Marku 16:20

Ve kpaa ve yem, ve gba za ôron kwaghaôndo sha won cii; Ter kpaa lu eren tom a ve imôngo, lu taver kwaghôron ve sha uivande mba ve ze a ve ityô la.

Aerenakaa A Mbaapostoli 7:9

Uter mba tamen mbala kpaa, er ve gba Yosev iwuhe yô, ve tee un ken Igipiti; kpa Aôndo lu a na,

1 Mbakorinte 16:13

Kuran nen, tile nen dông sha jighjigh u nan. Lu nen nomsombaiorov, taver nen iyol.

Mbaefese 6:10

Kwagh ugen yô, taver nen ken Ter sha tahav mbu agee a Na.

Duteronomi 31:23

Tsô A kaa a Yosua wan u Nun er: Taver ishima lu icihi, gadia ka we ú za a Mbaiserael ken tar u M bum a ve la ye; Me lu a we imôngo.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:1

Nahan yô, we wan wam, taver ken mrumun u sha mhôôn u ken Kristu Yesu la.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

Yosua 1:6

Lu taveraa, taver ishima; gadia ú na ior mban vea ya dyako u tar u M bum a uter vev Mer, Me na ve la.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.

Mbaajiriv 2:18

Zum u TER ver ve mbaajiriv yô, TER A lu a orjir la imôngo, A yima ve sha ikev i mbaihomov vev, sha ayange a orjir la cii; gadia mhôônom kôr TER a mtoghor ve u ve toghol sha ikev i mba zan ve iyol kua mba eren ve ican la.

1 Samuel 16:18

Tsô wanyekwaor ugen gema kaa er: Nenge, m nenge wan u Yese, or u Betelehem, a fa ityougholov mbi kuhwan kpe kpe, ka ortavershima, orutya, or u fan kwaghôron, ka or u kuman ashe kpaa, TER kpaa ngu a na.