Hagai 2:2 - ICIGHAN BIBILO

² Shi ôr kwagh a Serubabel wan u Shealtiel, gomna u Yuda, man a zegepristi Yosua wan u Yehosadaki, man a asande a ior a a shi her yô, kaa wer:

Hagai 2:2 Iomraidhean Croise

Esera 1:8

Shirushi tor u Pershia due a mbi, gema na sha ikev i Miteredati orkosoninyaregh, a ôr iyenge i mbi sha ishigh ki Sheshibasar ortaregh u Yuda.

Esera 2:63

Gomna kaa a ve er, ve̱ de ye icighankwaghyan la ga, saa iyange i pristi u nan lu a Urim man Tumim nana lu.

Esera 3:2

Tsô, Yeshua wan u Yosadaki mough a anmgbianev nav upristi kua Serubabel wan u Shealtiel man anmgbianev nav ve ta atse a nanden nagh sha mi a Aôndo u Iserael, er i̱ naan nagh ku nanden sha a, er i nger ken atindi a Mose or u Aôndo la nahan.

Nehemia 8:9

Tsô Nehemia u a lu gomna la, man pristi Esera orngeren, man Mbalevi mba ve tesen ior, ve kaa a ior cii er: Nyian ka icighaniyange i TER, Aôndo wen; yô, de kera zungu nen ga, de kera vaan nen kpaa ga. Gadia ior cii lu vaan er ve ungwa akaaôron a atindi la yô.

Hagai 1:1

Sha inyom i sha uhar i tor Dariu, uwer u sha ataratar sha iyange i hiihii i uwer la, kwaghôron u TER va sha ikev i profeti Hagai hen Serubabel, wan u Shealtiel, gomna u Yuda, man hen zegepristi Yosua, wan u Yehosadaki, kaa er:

Hagai 1:12

Nahan Serubabel, wan u Shealtiel, man zegepristi Yosua wan u Yehosadaki kua asande a ior a a shi her cii la, ve wa imo i TER, Aôndo ve, iko kua akaaôron a profeti Hagai er TER, Aôndo ve, tindi un yô; ior kpaa cia sha ishigh ki TER.

Hagai 1:14

Nahan TER kpoghol jijingi u Serubabel wan u Shealtiel, gomna u Yuda, man jijingi u zegepristi Yosua wan u Yehosadaki, man jijingi u asande a ior a a shi her la cii; nahan ve va sha u eren tom u iyou i TER u akum a Sha, Aôndo ve,