Hagai 1:6 - ICIGHAN BIBILO

⁶ Ne lôô kpishi, kpa ne sunda kpeghee; ka ne ya kwagh kpa i kuma ne ga; ne haa akondo iyol, kpa i tsee ma or iyol ga; man or u nan eren tom sha tôndo kpaa, nan hee injar i nan ngohol la ken ikpa i peven.

Hagai 1:6 Iomraidhean Croise

2 Samuel 21:1

Sha ayange a Davidi la, ijen gba anyom atar, sha adondo adondo; nahan Davidi ker ishigh ki TER. TER kaa a na er: Ka sha ci u ike i awambe ngi sha Saulu kua ya na sha ci u a wua Mbagibeon.

1 Utor 17:12

Kpa a kaa er: Er TER, Aôndo wou, A lu u uma ne, m ngu a anivurkwaghyan ga saa anmwe shin itye kua anmkure ciôn shin tum tsô; nenge, m ngu sangen ayegheraikon kpuaa mer, me za naha sha ci wam kua wan wam, sé ya, maa sé kpe.

Nehemia 5:2

Mbagenev lu kaan er: Se a ônov asev mba nomso man mba kasev, se ngee; yô, i̱ na se alakema, se̱ ya se̱ lu uma.

Yobu 20:22

Er akaa a nan a dumbur nahan kpaa, nana ya ican; uwegh ku hanma or u nan lu ken ican ku sha a nan.

Yobu 20:28

Akaa a ken ya u nan á kura a kera, á kar a mi kera sha iyange i iyugh Na.

Upasalmi 107:34

inya i dedoo, i hingir inyabar, sha ci u ifer i mba ve tem ker la.

Anzaakaa 11:24

Orgen ka or u nan akaa a nan kera nahan kpaa akaa a nan a seer a seer; man ugen di yô, ka nan kusu, i kar ikaa inya, nahan kpaa nan hingir oribanave.

Yesaia 5:10

Gadia sule u wain u u lu indyor pue ua iv gbanggbang uhar tsô, man ikaren i ivor i homer môm (ka efa pue je la) ia va iv efa môm tseegh.

Yeremia 12:13

Ve lôô alakema, ve gema ve sunda usaa; ve er ayol a ve ican, kpaa ve zua a ma mtsera ga; kunya u̱ kôr ne a iyiav yenev, sha ci u iyugh i tsung i TER.

Yeremia 14:4

Er inya ure sha ci u ura nôô sha tar la ga yô, mbashirensule va ahenge, ve yisa ityouv vev.

Yeremia 44:18

Kpa er se de u nan torkwase u Sha la nagh man u toon un iniav mbi man yô, se ban akaa cii man se tim sha sanker kua ijen.

Hosea 4:10

Vea ya kwagh, kpa á kuma ve ga; vea er idya, kpa vea seer iyenge ga, sha ci u ve de u wan TER iko yô.

Hosea 8:7

Gadia ve lôô ahumbe, vea gema á sunda hiar; asagher nga ga, kwagh u menden la kera ngu a mwem ga; aluer una we sam kpaa atôatyev ma a ye u.

Levitiku 26:20

né vihin agee a en gbilin; gadia inya yen ia doon iyiagh ga, ikon i hen tar la kpaa, ia umen atam a i ga.

Levitiku 26:26

Zum u Me vihi kwaghyan wen u ne suur sha mi la kera yô, kasev pue vea kaa bredi wen ken atse môm, vea kar bredi wen myohom man vea hide á na ne yô; né ya, kpa á kuma ne ga.

Hagai 1:10

Ka sha ci u nahan man Sha a de u gban avure sha a ven man tar kpaa u nyum iyiagh ki u ye.

Hagai 1:5

Nahan yô, TER u akum a Sha ngu kaan nahan er: Ver ishima, nenge nen sha akaa a a lu tseren ne yô.

Hagai 1:7

TER u akum a Sha ngu kaan nahan er: Ver ishima, nenge nen sha akaa a a lu tseren ne yô.

Hagai 1:9

Ne ver ishima ner, kwagh á ngee, kpa nenge gema ngu kpeghee tsô; man zum u ne va a mi ken ya yô, M fehe un kera. Ka sha ci u nyi? Kape TER u akum a sha A kaa ne. Ka sha ci u iyou Yam hembe hingir alôgh, man ne gema ne lu zan ayem hanma or hen ya u nan yô.

Hagai 2:16

Hen shighe la cii, zum u or nana va hen tihi u ikaren ikundu, yô, nan zua a mi pue tseegh; zum u or nana va hen ihungwa i shoghol wain sha u nana kese ikaren akunduahargber yô, nan tser a mi ikundu tseegh.

Hagai 2:17

M tsaha ne sha mhie u iyia man sha yien man sha awombo, ka ityom yen i aveegh cii; nahan kpaa ne hide her a Mo ga, kape TER A kaan ne.

Sekaria 5:4

Me na ia due, kape TER u akum a Sha A kaa ne, ia nyôr ken iyou i ormbaiv man ken iyou i or u bumun iti Yam sha aie; ia tema ken atô u iyou i nan, ia nande i puru a ikpande i i kua awen a i kpaa.

Sekaria 8:10

Gadia er ayange la lu a kuma ga yô, injar lu sha ci u or, shin sha ci u zendenya kpaa ga; man shi or u nyôron shin u duen lu a mwar ga sha ci u orihom; gadia M sende ior ityough cii, hanma or nan lu ihom a or u wan ndor a nan.

Malaki 2:2

Aluer né ver ato ga, man né ver ishima sha mi sha u né na iti Yam icivir ga yô, kape TER u akum a Sha A kaa ne, nahan Me haa ne ifan, Me wa iveren yen kpaa ifan; een, M vande wan i ifan kera kpaa, sha ci u ne ver ishima ga yô.

Duteronomi 28:17

Ikese you man ikagh you ki hôron mwem vea lu a ifan iyol.