Hagai 1:13 - ICIGHAN BIBILO

¹³ Tsô Hagai ortyom u TER ôr ior loho u TER, a kaa er: M ngu a ven imôngo, kape TER A kaa ne.

Hagai 1:13 Iomraidhean Croise

1 Kroniku 28:20

Davidi kaa a wan na Solomon er: Lu taveraa, taver ishima, er ase nahan; de cie kwagh ga, de yen ishima ga, gadia TER, Aôndo, Aôndo wam, ngu a we je, Una gbihi u ga, Una undu u ga, zan zan ú kure tom u iyou i TER ne cii.

2 Kroniku 15:2

nahan a mough a za kegh Asa gbenda; a kaa a na er: Ungwam nen, we Asa, kua Yuda cii man Benyamin; TER ngu a ven, er ne lu a Na yô; aluer né ker Un yô, né zua a Na je; kpa aluer né undu Un yô, Un kpaa Una undu ne.

2 Kroniku 20:17

Ka ne né nôngo ityav mbin ga; wa nen ago iyol, tile nen ving, tsô né nenge myem u TER Una yima ne, we Yuda man Yerusalem; de cie nen ga, asema a̱ de yen ne kpaa ga; kper, due nen, nôngo nen ityav a ve, gadia TER ngu a ven.

2 Kroniku 32:8

her a na yô, ka agee a iyolough tsô, kpa her a vese yô, TER, Aôndo wase, ngu, u Una wase se, Una nôngo ityav sha ci wase. Tsô ior suur sha kwaghôron u Hesekia tor u Yuda la.

Upasalmi 46:11

TER u akum a Sha ngu a vese, Aôndo u Yakob ka ijiir yase i yeren. Sela. Ngun ka sha ci u orhemen u mbawanatsam. Ka Pasalmi u ônov mba Kora

Upasalmi 46:7

TER u akum a Sha ngu a vese; Aôndo u Yakob ka ijiir yase i yeren. Sela.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 42:19

Ka an nan pir ashe, saa wanakiriki Wam la man ato kpaa a kondo nan er ortyom Wam u M tindi la nahana? Ka an nan pir ashe er or u M tsegh nan la shi nan pir ashe er wanakiriki u TER nahana?

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yesaia 44:26

M taver kwaghôron u wanakiriki Wam, M kur kwagh sha imo i mbatyomov Av vough; M kaa a Yerusalem Mer: Ior ve̱ tema ker; man a agar a Yuda kpaa, Mer: I̱ maa a her, Me shi Me maa atse a na,

Yeremia 15:20

Me gema u, ú hingir ior mban er gilgar u taver u iyôgh ki togula nahan; vea nôngo ityav a we, kpa vea hemba u ga, gadia M ngu a we sha u waren we man u yiman we, kape TER A ne.

Yeremia 20:11

Kpa TER ngu a mo er orageegh u cier iyol; nahan yô, mba ve tevem a ican vea nôngo gbev, vea hemba ga; vea va ahenge tsung je, sha ci u ikôr doo ve ga, ka kunya u gbem sha won je, u ua hungul mayange ga yô.

Yeremia 30:11

Gadia M ngu a we je, kape TER A kaa ne, sha u yiman we; gadia Me tim akuraior cii, a M sambe u ken a la; kpa we yô, Me tim u cii ga, kpa me tsaha u akuma akuma, Me gba den we nahan tsô ga.

Esekiel 3:17

Wan u or, M ver u orkuran sha ya u Iserael, aluer wea ungwa kwaghôron sha zwa Wam yô, wa ve kwagh sha ci Wam.

Hagai 2:4

Kpa hegen yô, taver ishima, we Serubabel, kape TER A kaa ne; man taver ishima we zegepristi Yosua, wan u Yehosadaki, man shi taver nen ishima, ne ior mba hen tar ne cii, er nen tom kape TER A kaa ne, gadia M ngu a ven, kape TER u akum a Sha A kaa ne,

Malaki 2:7

Gadia hemba doon u zwa u pristi ma u kor mfe man ior ma ve ker ityesen ken zwa na, gadia ka ortyom u TER u akum a Sha je.

Malaki 3:1

Nenge, M ngu tindin ortyom Wam, una sôrom gbenda ken hemen; man Ter u ne keren Un la Una va ken tempel Na fese je, ka Ortyom u ikuryan, u i doo ne a Na yô; nenge, ngu van, kape TER u akum a Sha A kaa ne.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

Mateu 18:20

Gadia her ape ior ihiar shin itiar ve kohol ken iti Yam yô, Mo kpaa M ngu ve her atô je.

Mateu 28:20

Tesen nen ve u kuran akaa a M we ne kwagh sha mi cii; nenge, Me luun a ven ayange ayange zan zan mkurtar je.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

2 Mbakorinte 5:20

Nahan yô, se mba mbaôronkwagh sha ci u Kristu za iyol er ka Aôndo A lu ôron kwagh a ven ken a vese yô. Se mba zamber a ven sha ci u Kristu ser, i̱ hime ne a Aôndo.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:22

Ter A̱ lu a jijingi wou. Mrumun u sha mhôôn a̱ lu sha a ven.

Mbaajiriv 2:1

Tsô Ortyom u TER mough hen Gilgal, kôndo za hen Bokim. A kaa er: Ka Mo M er, ne dugh ken tar u Igipiti, M ve a ven ken tar u M bum a uter enev ne ye, man M kaa Mer: Me bunde ikuryan Yam a ven mayange ga;