Hagai 1:12 - ICIGHAN BIBILO

¹² Nahan Serubabel, wan u Shealtiel, man zegepristi Yosua wan u Yehosadaki kua asande a ior a a shi her cii la, ve wa imo i TER, Aôndo ve, iko kua akaaôron a profeti Hagai er TER, Aôndo ve, tindi un yô; ior kpaa cia sha ishigh ki TER.

Hagai 1:12 Iomraidhean Croise

Genese 22:12

A kaa er: De ze uwegh ough sha wanakiriki ga, shi de eren un ma kwagh kpaa ga; gadia hegen yô, M fa u ngu or u cian Aôndo sha er u nyumum wan wou u môm môm kpaa ga yô.

Esera 10:18

Ken ônov mba upristi kpaa, i zua a mbagenev mba ve er kasev ken atôatyev yô. Ken ônov mba Yeshua wan u Yosadaki man angbianev nav yô, lu: Maaseia man Elieser man Yaribi kua Gedalia.

Esera 5:2

Nahan Serubabel wan u Shealtiel man Yeshua wan u Yosadaki ve mough, shi ve gba maan iyou i Aôndo i i lu ken Yerusalem la; mbaprofeti mba Aôndo, lu a ve imôngo, lu wasen ve.

Upasalmi 112:1

Haleluya. Saan or u nan cie TER la iyol, man atindi a Na a doo nan ishima tsung la.

Anzaakaa 1:7

Mcie u cian TER, ka mhii u kwaghfan je la, kpa mbalanenkwagh yô, ve laha kwaghfan kua ityesen.

Orpasenkwagh 12:13

Ngun ka mkur u kwagh, u i vande ungwan la cii: Cia Aôndo, waan atindi Na iko; gadia ngun ka kwagh u ior cii ma ve er je ne.

Yesaia 1:19

Aluer nea rumun nea ver ato yô, né ya mdoom ma tar la;

Yesaia 50:10

Ka anti wen nan lu u cian TER, nan we iko sha imo i Wanakiriki Naa? Zum u nan zenden ken ime man nan lu a iwanger kpaa ga yô, nana̱ suur sha iti i TER, nana̱ lian ken Aôndo u nan kpaa.

Hagai 1:1

Sha inyom i sha uhar i tor Dariu, uwer u sha ataratar sha iyange i hiihii i uwer la, kwaghôron u TER va sha ikev i profeti Hagai hen Serubabel, wan u Shealtiel, gomna u Yuda, man hen zegepristi Yosua, wan u Yehosadaki, kaa er:

Hagai 1:14

Nahan TER kpoghol jijingi u Serubabel wan u Shealtiel, gomna u Yuda, man jijingi u zegepristi Yosua wan u Yehosadaki, man jijingi u asande a ior a a shi her la cii; nahan ve va sha u eren tom u iyou i TER u akum a Sha, Aôndo ve,

Hagai 2:2

Shi ôr kwagh a Serubabel wan u Shealtiel, gomna u Yuda, man a zegepristi Yosua wan u Yehosadaki, man a asande a ior a a shi her yô, kaa wer:

Aerenakaa A Mbaapostoli 9:31

Nahan bem gba sha nongo u Kristu u u lu ken Yudia cii, man Galilia kua Samaria kpaa; er i lu maan ve a maa, man ve lu zenden ken mciem ma Ter man ken msurshima u Icighan Jijingi yô, ve seer a seer ngeen.

Duteronomi 31:12

Kohol ior, nomso man kasev man mbayev mba kiriki kua shiror wou u nan nyer u a nyôr, ve̱ ungwa, ve̱ hen ve̱ cian TER, Aôndo wou, ve̱ waan akaaôron a tindi ne cii iko, ve̱ eren sha mi;

Duteronomi 31:13

ônov vev mba ve fe ga kpaa, ve̱ ungwa, ve̱ hen u cian TER, Aôndo wen, sha ayange a né tema ken tar u né lu zan ner né per Yordan né za ngohol u la cii.

Mbakolose 1:6

U nyôr ken ven di er u nyer sha won cii nahan, ngu umen atam, ngu vesen di er ken ven nahan, hii sha iyange i ne ungwa man ne va fa mrumun u sha mhôôn u Aôndo sha mimi la.

Mbaheberu 12:28

Nahan yô, se ember nen er se ngohol tartor u u lu u tenger ga yô, ka nahan man sé er Aôndo tom u u doo Un ye, sha mcieaôndo man iyol i sulen.