Genese 9:2 - ICIGHAN BIBILO

² Hanma inyam i sha tar cii hanma inyon i sha kpaa, né cier ve iyol, vea cia ne; hanma kwagh u a kper a kpela inya cii kua ishu i shin zegemnger cii, i wa ne sha ikev.

Genese 9:2 Iomraidhean Croise

Genese 1:21

Aôndo gba uzegembainyamev mba shin zegemnger man hanma kwagh u uma u zenden, u mngerem ma mgbough a mi sha anza a ve yô, man shi hanma inyon i purugh, sha inja i i. Aôndo nenge er i doo nahan yô.

Genese 1:26

Tsô Aôndo kaa er: Sé er or sha inja i mlu wase, sha ibeen Yase; ishu i shin zegemnger man inyon i sha man uzendenya man tar cii kua hanma kwagh u kpelan inya, u a kper a kpela sha tar kpaa, ve̱ lu sha ikev ve.

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 2:19

Ka inya, TER Aôndo er hanma inyamtoho man hanma inyon i sha a mi ye. Tsô A va a mi hen or la er Una nenge er nana yila ve yô; hanma myer u or la a yila hanma kwagh u uma yô, maa hingir iti na je.

Genese 35:5

Tsô ve mough ve gba yemen; mcieryol u Aôndo haa sha agar a a kase ve cii, nahan ve kera zenda ônov mba Yakob ijime ga.

Genese 9:1

Tsô Aôndo ver Noa doo doo kua ônov nav cii; A kaa a ve er: Maren nen, seer nen a seer, man shi iv nen tar.

Genese 9:3

Hanma kwagh u tenger u a lu uma yô, una lu kwaghyan wen; M na ne ve cii, er lu M na ne akaamenden nahan.

Yobu 39:11

Ú suur sha i er i lu a agee yum yôô? Shin ú wa i tom wou sha ikeve?

Esekiel 34:25

Me ya ikur i bem a ve, Me er inyamtoho i vihin kwagh ia due hen tar la kera, man vea tema bem bem ken taaikôngo, man vea yav shin ikô kpaa.

Hosea 2:18

Sha iyange la Me ya ikur sha ci ve a inyamtoho man inyon i sha man akaa a kpelan iyav inya; man Me kever ada man sanker, Me bee ityav sha tar, man Me na vea tema bem bem.

Levitiku 26:22

Me tindi inyamikume her a ven ia va kôr ne ônov, ia tim ilev yenev, ia pande ne, né kera ngee ga, igbenda yen kpaa ia kpe.

Levitiku 26:6

Me na bem ken tar la, né yav je, ma or u tan ne mciem iyol nana lu ga; Me er inyamikume ia bee ken tar wen, sanker kpaa una kar hen atô u tar wen ga.

Yakobu 3:7

Gadia hanma inja i inyamtoho man shi inyon man akaa a kpelan iyav inya man akaa a uma a shin zegemnger cii a fatyô u koso a, aa var ken ya, man i vande koson a nahan sha ishima i or kpaa.