Genese 9:1 - ICIGHAN BIBILO

¹ Tsô Aôndo ver Noa doo doo kua ônov nav cii; A kaa a ve er: Maren nen, seer nen a seer, man shi iv nen tar.

Genese 9:1 Iomraidhean Croise

Genese 1:22

Shi Aôndo ver ve doo doo kaa er: Mar nen kpishi, ngee nen, iv nen shin mngerem ma uzegembamngerev; inyon kpaa i̱ seer a seer ngeen sha tar.

Genese 1:28

Aôndo ver ve doo doo; Aôndo kaa a ve er: Mar nen kpishi, seer nen ngeen, iv nen tar, gema nen u, u̱ lu sha ikev yen; ishu i shin zegemnger man inyom i purugh sha kwavaôndo man hanma kwagh u uma u a zenden sha tar cii, ve̱ lu sha ikev yen.

Genese 10:32

Ka icombor i ônov mba Noa sha ikov ve ken akur a ve je; ka ken i man akuraior a pav sha tar zum u mngerem ma deemee bee la ye.

Genese 2:3

Man Aôndo ver iyange i sha utaankaruhar la doo doo, A tsegha i kpaa; sha ci u lu sha i man Aôndo mem tom Na cii, u A er sha u gban a gba u la ye.

Genese 24:60

Ve ver Rebeka dedoo, ve kaa a na er: Anngô wase u kwase, za hingir ngô u udubu mba udubu pue; tsombor wou u̱ ngohol hundagar u mbaihomov vev, u̱ hingir u ve.

Genese 35:11

Shi Aôndo kaa a na er: Ka Mo Aôndo Uhembanagee, maren, seer a seer; ikurior man ikpila i akuraior ia due ken a we, utor vea due ken a we.

Genese 8:17

Man shi due a hanma kwagh u uma cii, u a lu a we imôngo: inyon man uzendenya kua hanma kwagh u a kper a kpela inya, sha u ve̱ mgbough sha won, ve̱ maren ve̱ seer a seer sha won.

Genese 9:19

Mba utar mban ka ônov mba Noa; ka ve je ve na ior ve samber sha won cii ye.

Genese 9:2

Hanma inyam i sha tar cii hanma inyon i sha kpaa, né cier ve iyol, vea cia ne; hanma kwagh u a kper a kpela inya cii kua ishu i shin zegemnger cii, i wa ne sha ikev.

Genese 9:7

Ne kpaa, maren nen, seer nen a seer, samber nen sha tar, ngeen nen sha u.

Upasalmi 112:1

Haleluya. Saan or u nan cie TER la iyol, man atindi a Na a doo nan ishima tsung la.

Yesaia 51:2

Nenge nen sha Aberaham ter wen kua Sara u a mar ne la, gadia zum u a lu tswen la, M yila un, M ver un doo doo, M ser un iyenge.