Genese 8:21 - ICIGHAN BIBILO

²¹ TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Genese 8:21 Iomraidhean Croise

Genese 3:17

Shi A kaa a or la er: Er u ongo imo i kwase wou, u ye atam a kon u iyange M ta u icin Mer, de ye ga la yô, tar u̱ lu a ifan iyol sha ci wou, ka sha ican je man ú ya u, sha ayange a ou cii ye,

Genese 4:12

aluer ú kaha sule kpaa, inya ia kera doo iyiagh ga; ú hingir or u yevese man or u zenden a zende sha won.

Genese 5:29

a ii un iti er Noa, a kaa er: Ka ngun je una sur se asema sha tom wase kua ican i yan i sha ave ase sha tar u TER A we u ifan ne ye.

Genese 6:13

Aôndo kaa a Noa er: Mkur u uumace cii va sha ishigh Yagh ve; gadia ve iv a apera sha tar; nenge, timin Yam ve a tar imôngo ne.

Genese 6:17

Gadia Mo Me va a mngerem sha tar deemee, sha u timin hanma kwagh u uma cii, u a lu a iôôn i uma ken a na, sha won, kera; hanma kwagh u sha tar cii una kpe.

Genese 6:5

Er TER nenge isholibo i or kehe sha won, man hanma mhen u ishima i nan kpaa lu u bo tseegh gbem yô,

Genese 6:7

TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

Yobu 14:4

Kpash, kwagh u wang ma a dugh ken kwagh u a lu wang ga yô! môm tsô ngu ga.

Upasalmi 51:5

Shi nenge, i marem ken ifer, ka ken isholibo je, ngôm wa iyav av ye.

Upasalmi 58:3

Mbaaferev due paleghaa ken uya je, er i mar ve je, tsô ve hii u tsumen sha aie u eren.

Upasalmi 58:4

Megh vegh ku er megh ku iyôgh yô, mba er igbinde i i kondo ato a i yô,

Ekesodu 29:18

Nande nomiyôngo la jimin cii sha atse, ka nagh ku nanden TER, ka ihuma i doon, man nagh ku usugh ku nan TER je la.

Ekesodu 29:25

Shi hire ngohol ve sha ave ve, nande sha atse sha nagh ku nanden la, i̱ lu ihuma i doon sha ishigh ki TER, ka nagh ku usugh ku nan TER je la.

Anzaakaa 20:9

Ka anti nana fatyô u kaan er, m wanger ishima yam, m ngu wang, i wanger isholibo yam kera?

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yesaia 47:12

Gba zan hemen a akaasôron a ou kua ahir a ou a a ngee yum ne, a u lu eren tom u zan we iyol sha mi, hii sha iyev ou la je; alaghga ú fatyô u eren ma kwagh, alaghga ú ta mciem iyol!

Yesaia 47:15

Kape akaa a u ye ican i nyoon iyol sha mi, aa lu her a we la; mba ve teen we kasua hii sha iyev ou la, vea yem hanma or hen ijiir i nan; ma or nana lu u yiman we ga.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yesaia 65:6

Nenge, i nger akaa ne sha ishigh Yagh je: Me huan ga, saa Me or iyev ve, een, Me haa ve injar ve sha ikum je

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

Yeremia 18:12

Kpa mba kaan er: Ka gbilin tsô, sé zende sha mbamhen asev, man hanmô wase nana er sha mcighir u ishima i nan i bo la.

Yeremia 8:6

M ver ato, M ungwa; mba ôron kwagh vough ga; ma or nan vaa afanyô sha ci u isholibo i nan ga; ka ve kaa er: Ka nyi m ere? Hanma or je, nan kôr gbenda u nan, er nyinya u a nur ayem sha u zan ken utya yô.

Esekiel 20:41

Er ka kwaghhumandoon nahan, kape Me rumun ne, zum u Me due a ven ken akuraior, man Me kohol ne ken ityar i i sambe ne ker la; man Me pase mtsegh Wam ken a ven sha ashe a akuraior.

Levitiku 1:13

kpa ikav mbi kimi kua angahar a i yô, nana̱ ôô sha mnger; pristi a̱ va a mi cii, a̱ va nande sha atse; ka nagh ku nanden ku usugh ku human doon ku nan TER je la.

Levitiku 1:17

A̱ ande un hen akper a na, kpa a̱ de paven vegher a̱ gbe ken inya ga; pristi a̱ nande un sha atse, sha ikon i i lu sha usu la; ka nagh ku nanden ku usugh ku human doon ku nan TER.

Levitiku 1:9

kpa ikav mbi kimi kua angahar yô, nana̱ ôô sha mnger; pristi a̱ gema cii a̱ nande sha atse a nanden nagh sha mi, i̱ lu nagh ku nanden, ka nagh ku usugh ku human doon ku nan TER je la.

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.

Levitiku 4:31

ahôm cii yô, a̱ kura a sha, er ka i kura ahôm a nagh ku sôngon ku bem la nahan; pristi a̱ na iwon sha ci u nan, nahan á de nan isholibo i nan.

Levitiku 8:28

Tsô Mose tôô a sha ave ve kera, a gema a nande a sha atse sha nagh ku nanden, hingir nagh ku tseghan or a mi, ku human doon; ka nagh ku usugh ku nan TER.

Numeri 15:3

man á sar ne ka nan TER nagh ku usugh, a lu nagh ku nanden, shin nagh ku sôngon, sha u kuren iceghzwa, shin nagh ku sha ishima i dedoo, shin ku sha uiniongo mba i ver sha ashighe ashighe la, sha u eren TER kwaghhumandoon sha ibua shin sha iyôngo yô,

Mateu 15:19

Gadia ka ken ishima man aferakaa a henen kua iwooor man idya man iv man mbampase mba sha aie man ityuhwanev ve dugh ye.

YOHANE 3:6

Kwagh u a dugh ken iyol yô, ka iyol je; man kwagh u a dugh ken Jijingi ka di jijingi je.

Mbaromanu 1:21

shin er ve fe Aôndo nahan kpaa ve civir Un er ka Aôndo nahan ga, ve sugh Un kpaa ga, mbamhen vev hingir gbilin, asema a ve a lanen kwagh la gema wa ime.

Mbaromanu 3:23

Gadia ior ca ca ve er isholibo nahan kera mba a iengem i Aôndo ga.

2 Mbakorinte 2:15

Gadia se mba ihuma i doon i Kristu sha ci u Aôndo hen mba i lu yiman ve la man shi hen mba ve lu timin la kpaa.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.

1 Yohane 5:19

Se fa se due ken Aôndo, kpa tar cii ngu sha ikev i Orbo.

1 Samuel 26:19

Yô, terem, tor, shi a̱ ungwa kwaghôron u wanye na. Aluer a lu TER je, man A tor u ityô sha er ú kôrom ihom yô, i̱ na Un nagh; kpa aluer a lu ior tsô yô, ifan i̱ kôr ve sha ishigh ki TER; gadia ve zendam nyian sha u m̱ de kera varen a dyako u TER ga, mba kaan er: Yem, za civir mbaaôndo mbagenev.