Genese 6:7 - ICIGHAN BIBILO

⁷ TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

Genese 6:7 Iomraidhean Croise

Genese 6:6

TER vaa afanyô er Un er or sha won yô, vihi Un ken ishima.

Genese 7:21

Akaauma cii, a a zenden sha tar, kpe kera: inyon man uzendenya man inyamtoho man hanma kwagh u a kper a kpela inya, man hanma or kpaa;

Genese 7:4

Gadia shi ayange ataankarahar, tsô Me nôô ura sha tar ayange akunduahar, atetan kua tugh kpaa; hanma kwagh u uma u M er cii, Me tim un sha won kera.

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Upasalmi 37:20

Kpa mbaaferev yô, vea tim; mbaihomov mba TER kpaa vea lu er mhem u toho, vea kar kera—vea kar kera er mnyim nahan.

Anzaakaa 10:27

Mcie u cian TER seer ayange, kpa anyom a aferaior yô, a pande a kera.

Anzaakaa 16:4

TER gba hanma kwagh sha inja je, een, kua aferaior je kpaa, sha ci u boiyange.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Hosea 4:3

Ka nahan man tar u lu uren man mba ve tem ken u cii ve lu usen ye: inyamtoho kua inyon i purugh sha, een, ishu i shin zegemnger kpaa, á kar a i kera.

Amoshi 7:3

TER gema ishima sha kwagh la. Á kera lu nahan ga, kape TER A kaa la.

Amoshi 7:6

TER gema ishima sha kwagh la. Ngun kpaa una kera lu nahan ga, kape Ter AÔNDO A kaa la.

Sefania 1:18

Azurfa ve shin zenaria ve, vea fatyô u yiman ve sha iyange i iyugh i TER ga; kpa sha usu u iwuhe Na la, tar cii ua hia kera; gadia Una va a mtim, ka mkur u cieryol je, sha mba ve tem ken tar cii.

Sefania 1:2

Me kar a akaa ci ca cii sha tar kera, kape TER A kaa la.

Sefania 1:3

Me kar a or kua zendenya kera; Me kar a inyon i sha kera, man ishu i shin zegemnger, kua atôakaa a nan gbev mbu nôngon, a mbaaferev imôngo; shi Me tim or sha tar kera, kape TER A kaa la.

Duteronomi 28:63

Tsô, er TER A ember ne sha u Una ver ne doo doo, man Una seer ne iyenge la, kape TER Una ember ne sha u nan ne, né saa ishe man sha u Una tim ne la; á kar a ven ken tar u ú ze sha u za ngohol u la kera.

Duteronomi 29:20

TER Una de nan kwaghbo u nan ga, kpa shighe la iyugh i TER man iwuhe Na ia yughur sha or la, ifan i i nger ken ruamabera ne cii ia lu sha a nan, TER Una ese iti i nan sha won kera.

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.