Genese 6:3 - ICIGHAN BIBILO

³ TER kaa er: Jijingi Wam Una kera tema ken or gbem ga, gadia nan kpaa nan ngu inyam tsô, nahan kpaa ayange a uma u nan yô, aa lu anyom deri man ikundu.

Genese 6:3 Iomraidhean Croise

Genese 6:2

ônov mba Aôndo nenge ônkasev mba iorov doo ashe; tsô ve er kasev mba sha asema a ve cii.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Upasalmi 78:39

A umbur er ve lu ior tsô, ahumbe a karen kera, hilen ga.

Upasalmi 90:10

Ayange a anyom a ase kuma anyom akunduatargber, man aluer ayol ase aa taver kpishi yô, a kuma akunduanyiin je; nahan kpaa ihagh i a yô, ka zayol man ishima i vihin, gadia nga a kar fefa, se kpaa se kar kera wase.

Yesaia 5:4

Ka nyi i shi, i ma M er ken sule wam ve M er i ga? Er M ver ishima Mer ua ume atam a wain yô, er nan man u gem u um atam a bo?

Yesaia 57:16

Gadia Me kera zôhô zan zan ga, man shi Me kera yuwe gbem kpaa, ga; gayô jijingi una ule sha ishigh Yagh, kua uuma mba M er la.

Yesaia 63:10

Kpa ve je, ve gema ve hendan a Na, ve vihi Icighan Jijingi Na ishima; Nahan A gema a hingir er ka orihom ve nahan, A nôngo ityav a ve iyol Na kpaa.

Yeremia 11:11

Nahan yô, TER ngu kaan nahan er: Nenge, Me va a kwaghbo sha a ve, u vea fatyô u waren un ga yô; tsô vea vaa a Mo, kpa Me ver ato hen a ve ga.

Yeremia 11:7

Gadia M wa uter enev kwagh gbang gbang je sha iyange i M due a ve ken tar u Igipiti la, zan zan nyian, pepe kua aikighe, M kaa Mer: Ungwa nen imo Yam.

Numeri 11:17

Me sen, Me va ôr kwagh a we her; Me pande jijingi u a lu ken a we, Me ver sha a ve, ve̱ tôô ior mba ve lu zegeuikya ne, a we imôngo, sha er ú kera tôô, we tswen ga yô.

YOHANE 3:6

Kwagh u a dugh ken iyol yô, ka iyol je; man kwagh u a dugh ken Jijingi ka di jijingi je.

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

1 Mbatesalonika 5:19

De pirin nen Jijingi ga.