Genese 48:15 - ICIGHAN BIBILO

¹⁵ Tsô a ver Yosev doo doo, a kaa er: Aôndo, u uter av Aberaham man Isaka ve zenden sha ishigh Nagh la, Aôndo, u A kuran mo sha ayange a uma wam cii zan zan nyian ne,

Genese 48:15 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 24:20

A gema mngerem ma shin ityegh nagh a haa shin tso fese, shi a hide shin ijôr ayem, a za kese mngerem; a kese a haa urakumi nav cii.

Genese 24:40

A kaa a mo er: TER u m zenden sha ishigh Nagh ne, Una tindi ortyom Na a we imôngo, Una doo u ikôr sha gbenda wou, ú er wan wam kwase ken ityô yam, ken ya u terem je;

Genese 27:27

A kporom a suse un zwa; ongo ihuma i dedoo i akondo na yô, a ver un doo doo, a kaa er: Nenge, ihuma i wan wam ngi er ihuma i toho u TER A ver u doo doo yô;

Genese 27:4

erem kwaghyan u doon ken zwa, imba i m soo yô, vam a mi, m̱ ya, ishima yam i̱ ver u doo doo, er m lu a kpe ga ne.

Genese 28:20

Man shi Yakob tsegha zwa, kaa er: Aluer Aôndo Una lu a mo, Una kuram sha gbenda u m ze ne, Una nam kwaghyan sha u m̱ ya, man akondo sha u m̱ zer.

Genese 28:22

iwen i m tim i sha mer i̱ lu ikav i umbur ne yô, ia hingir iyou i Aôndo; man akaa a Ú nam cii, me tsuwa môm-ken-upue me na U.

Genese 28:3

Aôndo Uhembanagee, A̱ ver u doo doo, A̱ ngee u ônov, A̱ seer we iyenge u hingir ikpila i akuraior yô,

Genese 35:3

mough sé yem nen hen Betel, me za ta atse a nanden Aôndo nagh sha mi heregh, u A ungwa imo yam sha iyange i ican yam, man A lu a mo sha gbenda u m lu zan sha mi la.

Genese 48:16

ortyom u Sha u a yimam sha hanma kwagh u bo cii, a̱ ver mbayev mban doo doo, iti yam i̱ tsôr sha a ve, kua iti i uter av Aberaham man Isaka kpaa; ve̱ seer a seer ngeen ken tar.

Genese 49:22

Yosev ka semenkon u umen atam, semenkon u umen atam, u hen imbormnger; agbaa a na nga samber sha kurgar, haan ken won.

Genese 49:24

kpa ada na yô, lu her taveraa, akaseaveegh a na kpaa, lu naregh her, sha ave a Uageegh u Yakob; ka heregh, her ape Orkuran, Iwen i Iserael A lu la.

Genese 49:28

Ingin cii ka ikwe i Iserael i pue kar ihiar je ne; man ngun ka kwagh u ter ve ôr ve man a ver ve doo doo; hanmô ve, a ver nan sha iveren i nan je.

Genese 6:9

Ingin ka icombor i Noa ne: Noa yô, lu orperapera, lu a acôghol iyol ga, ken ikov na cii; Noa zenden vea Aôndo imôngo je;

1 Utor 3:6

Tsô Solomon kaa er: U tese wanakiriki wou terem Davidi erdoo u vesen, er a lu zenden sha ishigh You sha mimi man sha perapera man sha ishima i wang a We imôngo yô, man U ver un erdoo u vesen ne, er U na un wan Wer a̱ tema sha ikônough nagh ki torough er i lu nyian nahan ne.

1 Kroniku 5:1

Man ônov mba Ruben waniunda u Iserael (gadia un ka waniunda; kpa er a hôngor a gambe u ter na yô, i gema tamen na i na ônov mba Yosev, wan u Iserael, nahan i kera nger tsombor na er ka wan u tamen ga.

Upasalmi 16:8

M ver TER sha ishigh yagh gbem; er A lum ken uwegh ku yanegh yô, me tenger ga.

Upasalmi 23:1

TER ka orkuran mo, kwagh môm banem ga;

Upasalmi 37:3

Suur sha TER, eren akaadedoo, tema ken tar la, dondo sha kwagh u mimi.

Ekesodu 3:16

Za, za kohol mbatamen mba Iserael, kaa a ve wer: TER, Aôndo u uter enev, Aôndo u Aberaham man u Isaka man u Yakob ande her a mo, A kaa er: M ver ishima sha a ven dedoo, M shi M nenge kwagh u i er a ven ken Igipiti la kpaa;

Ekesodu 4:5

sha u ve̱ na jighjigh er TER, Aôndo u uter vev, Aôndo u Aberaham man Aôndo u Isaka man Aôndo u Yakob, A ande hen a we yô.

Orpasenkwagh 5:12

Mnyam ma ortom ka ma dedoo, shin nana ya kwagh ciôn, shin kpishi kpaa, kpa m-ide u ornyar yô, una rumun nan nana yav ga.

Orpasenkwagh 5:18

Nenge, kwagh u m nenge a doo man a lu vough hen or yô, ka u nana̱ ya kwagh, nana̱ ma kwagh, nana̱ ember sha tom u nan cii, u nan er sha ican shin tar, sha ayange a nan a Aôndo A ne nan cii, gadia kwagh ne ka kwar u nan je la.

Orpasenkwagh 6:7

Tom u or u sha ican cii, ka sha ci u zwa u nan je, nahan kpaa kwagh kom isharen i nan la ga.

Yesaia 30:21

ato ou kpaa aa ungwa kwaghôron ken ijime you u kaan er: Ka gbenda je ne, za nen sha u, zum u á sar ne u geman ken iyan shin ken imese la yô.

Yesaia 33:16

ka nan nana tema sha ijiir i sha ye, gar u sha avande ka ijiir i nan i waren ker; á na nan kwaghyan u nan mngerem ma nan ma manem maa lu keng je.

Yeremia 8:2

man vea gbulugh a sha ishigh ki iyange man ki uweregh kua ki akum a Sha cii, a a doo ve ishima man ve eren a tom, shi ve dondo sha a man ve keren a, man ve gur a inya kpaa la; á kohol akuhe la ga, man shi á ii a kpaa ga, aa hingir ihôghonov mbi sôron sule a min hen inya sha tar la.

Luka 1:6

Ve uhar cii ve lu mbaperapera sha ishigh ki Aôndo, ve kuran atindi a Ter kua akaawan a Na cii ve lu a acôghol a wan iyol ga.

1 Mbakorinte 10:31

Nahan yô, aluer nea yaan kwagh, shin nea maan kwagh shin nea eren nyityô kwagh kpaa, eren nen akaa cii sha ci u icivir i Aôndo.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Duteronomi 33:1

Ka iveren i Mose or u Aôndo, ver Mbaiserael er a lu a kpe ga la ne;

Mbakolose 2:6

Nahan er ne rumun Kristu Yesu ner ka Ter yô, shi zenden nen ken a Na nahan vough,

1 Mbatesalonika 2:12

zende wen u̱ kuma Aôndo u A yer ne u zan ken tartor Na man iengem Na.

Mbaheberu 11:21

Ka sha jighjigh u nan man Yakob zum u a lu nôngon ku la yô, a ver hanma wan u Yosev doo doo man a ngurum sha ityough ki gboough a er msen ye.