Genese 47:9 - ICIGHAN BIBILO

⁹ Yakob kaa a Farao er: Ayange a anyom a shir wam, nga anyom deri man ikundugber; ayange a anyom a uma wam vese ga, ican lu eren mo sha a, a kuma sha ayange a anyom a uma a uter av sha ayange a shir ve la kpaa ga.

Genese 47:9 Iomraidhean Croise

Genese 11:11

er a mar Arpakeshadi kera yô, Shem shi seer tsan anyom deri utaan; a shi a mar ônov mba nomso man mba kasev.

Genese 35:28

Ayange a Isaka lu anyom deri man akunduanyiin.

Genese 47:28

Yakob tema ken tar u Igipiti anyom pue kar ataankarahar; nahan ayange a Yakob, anyom a uma na kuma anyom deri man akunduahar kar ataankarahar.

Genese 47:8

Farao pine Yakob er: Ayange a anyom a uma wou nga nana?

Genese 5:27

Ayange a Metusela sha won cii yô, lu anyom deri utaankarunyiin man akunduatar kar ataankaranyiin, man a kpe ye.

Genese 50:26

Tsô Yosev kpe; anyom a na lu deri man pue; ve shighe un icigh ki yangen mhee, ve wa un ken akwati ken Igipiti.

1 Kroniku 29:15

Gadia se mba mbavannya man ushirmbaiorov sha ishigh You er uter asev cii lu nahan; ayange ase a sha won kpaa nga er mure nahan, ishimaverenkeghen kpaa kera ngi ga.

Yobu 14:1

Or u kwase a mar nan yô, ayange a nan nga ciôn tsô, man a iv a ican kpaa.

Upasalmi 119:19

M ngu shiror shin tar; de yeren mo atindi a Ou ga.

Upasalmi 119:54

Akaawan a Ou hingir mo atsam a wan, hen ya u m lu shiror her la.

Upasalmi 39:12

TERE, ungwa msen wam, ver ato er m yer U yô, de ongom ato sha mliam am ga, gadia m ngu orvannya hen a We, man shiror er uter av cii nahan.

Upasalmi 39:13

Gema ashe hen a mo kera sha er i̱ saan mo iyol, man me mase karen kera, me kera lu ga ye. Ngun ka sha ci u orhemen u mbawanatsam. Ka Pasalmi u Davidi

Upasalmi 39:5

Nenge, U gema ayange am hingir er igbangese i akevaveegh nahan; ayange a uma wam kpaa, sha ishigh You yô, nga er ka ma kwagh je ga yô; mimi je, hanma or sha mtil u nan, nan ngu er humbe nahan tsô. Sela.

Ekesodu 6:4

Shi M ya ikur a ve Mer, Me na ve tar u Kanaan, tar u shir ve, u ve lu shir ker la.

Ekesodu 7:7

Anyom a Mose lu akunduanyiin, a Aron gema lu anyom akunduanyiin kar atar, zum u ve lu ôron kwagh a Farao la.

2 Mbakorinte 5:6

Nahan yô, ishima taver se gbem, se fa, er se lu ken iyol heregh yô, se kera mba ken Ter ga.

Duteronomi 34:7

Mose tsa anyom deri man ikundu zum u a kpe la; ishe na wa ime ga, agee a iyolough na kpaa hide ijime ga.

Mbaheberu 13:14

Gadia se mba a ma gar u tsôron heen je ga, kpa se mba keren u a lu van la.

Yakobu 4:14

ne mba kper tsô kpaa ne kera fe er uma wen una lu ga ne. Gadia ne mba tulugh u ka a due i nenge a mi sha ashe kpeghee maa a shi a sambe kera ne.

Yosua 24:29

Tsô ken masejime u akaa ne, Yosua wan u Nun, wanakiriki u TER, kpe lu anyom deri man pue.

1 Peteru 2:11

Ne mbadoon mo ishima, ne mba ne lu ushirmbaiorov man iorvannya kpaa, m ngu zamber a ven mer: Nyagh nen asaren a iyolough a a nenge ityav a uma u ken ishima la.