Genese 47:22 - ICIGHAN BIBILO

²² Saa tar u upristi tseegh a yam ga ye; gadia ve upristi ve zuan a injar hen Farao; ka sha injar ve i Farao na ve la man ve yaan kwaghyan ye; ka nahan man ve tee tar ve ga ye.

Genese 47:22 Iomraidhean Croise

Genese 14:18

Tsô Melkisedeki tor u Salem za va a bredi man wain, un lu zegepristi u Aôndo Uhembansha.

Genese 41:45

Farao gema ii Yosev iti er Safenati-panea; man shi a na un Asenati wan u Potifera, pristi u On, a er. Tsô Yosev mough gba zenden ken tar u Igipiti.

Genese 41:50

Yosev mar ônov mba nomso uhar er inyom i ijen lu a va ga la, ka mba a mar a Asenati wan u Potifera, pristi u On, la.

Genese 47:21

Ior yô, a gema a kura ve a haa ken agar, hii hen ikighirtar i Igipiti zan zan za ar ken ikighir igen.

Genese 47:23

Tsô Yosev kaa a ior er: Nenge, nyian, m yam ne kua tar wen, m na Farao; ivor ingin sha ci wen ne, za lôô nen ken ishule.

Genese 47:26

Yosev maa wa tindi sha ishule i Igipiti zan zan nyian, er Farao a̱ zuan a tihi môm ken atihi ataan; saa tar u upristi tsegh u hingir u Farao ga ye.

2 Samuel 8:18

Benaia wan u Yehoyada lu a Mbakereti man Mbapeleti sha ikev; ônov mba Davidi gema lu atiator.

Esera 7:24

Man shi se mba pasen ne sha kwagh u upristi man Mbalevi man mbawanatsam man mbakuranihinda kua mbasôrontempel shin mbatomov mba ken iyou i Aôndo ne cii, or môm ngu a tahav mbu wan ve kpandegh ga, shin inyaregh ki saven shin ki peren kpaa ga.

Nehemia 13:10

Shi m nenge er i lu nan Mbalevi kwar ve ga yô, nahan Mbalevi man mbawanatsam, ve mba ve lu eren tom la, ve yevese, hanma or yem hen sule u nan.

Mateu 10:10

shin akpa sha ci u zende kpaa ga, gadia or u eren tom kuma u á na nan kwaghyan u nan.

1 Mbakorinte 9:13

Ne kera fa er mba ve eren tom sha uicighanmbaakaav mba ken tempel la ve ye kwagh ken tempel gaa? Man shi mba ve eren tom sha atse a nanden nagh sha mi yô, mba zough a kwar sha atse gaa?

Mbagalatia 6:6

Or u i lu tesen nan kwaghôron u Aôndo yô, nana̱ kar akaa a doon cii vea or u tesen la.

Duteronomi 12:19

Kura iyol you, de nengen sha Orlevi dang ga, sha ayange a ou a u tem ken tar wou la cii.

2 Timoteu 3:10

Gadia er se lu a ven imôngo la je, se wa ne kwagh ser: Aluer tom u shiren doo or ga yô, kwaghyan kpaa nana̱ de ye ga.

1 Timoteu 5:17

Mbatamen mba ve nengen sha ior dedoo yô, i̱ wa ve iko kwa har je, jim yô, ka mba ve lu pasen kwaghaôndo shi ve lu tesen kpaa la.