Genese 47:10 - ICIGHAN BIBILO

¹⁰ Nahan Yakob ver Farao doo doo man a mough hen Farao.

Genese 47:10 Iomraidhean Croise

Genese 14:19

A ver un doo doo, a kaa er: Aôndo Uhembansha A̱ ver Aberam doo doo, u A gbe Sha man tar la;

Genese 47:11

Yosev tese ter na kua anngôôv nav ijiir i teman, a na ve tar ken tar u Igipiti, hingir u ve, lu hen ijiir i hemban doon ken tar la, hen ipaven u Ramese, er Farao kaa yô.

Genese 47:7

Tsô Yosev nyôr a ter na Yakob, va ver un sha ishigh ki Farao; Yakob gema ver Farao doo doo.

2 Samuel 19:39

Tsô ior cii per Yordan, tor kpaa per; tor suse Barshilai zwa, ver un doo doo; tsô a hide hen ya na.

2 Samuel 8:10

nahan Toi tindi wan na Yoram, hen tor Davidi er a̱ za sugh un shi a̱ wuese un kpaa, er a nenge ityav a Hada-deser a hembe un yô; gadia Hada-deser lu or u nôngon ityav a Toi keke. Yoram va na un ikav mbi azurfa man mbi zenaria kua mbi togula kpaa;

Upasalmi 119:46

Me ôr kwagh u mbampase Ou sha ishigh ki utor kpaa, kunya ua kôrom ga.

Upasalmi 129:8

man shi mbakaren heregh kpaa vea kera kaa er: Iveren i TER i̱ lu sha a ven, se mba veren ne doo doo ken iti i TER, ga. Ka icam i zan iniongo

Duteronomi 33:1

Ka iveren i Mose or u Aôndo, ver Mbaiserael er a lu a kpe ga la ne;

Mbaheberu 7:7

Ka or u nan lu tamen la je ka nan ver u kiriki dedoo ye, anyiman nga sha kwagh ne je ga.

Yosua 14:13

Tsô Yosua ver un doo doo, a gema Heberon a na Kalebu wan u Yefune, er a lu dyako na.

Rutu 2:4

Tsô hen shighe la Boashi za due ken Betelehem va, a kaa a mbasundav er: TER A̱ lu a ven. Ve di kpaa ve gema ve kaa a na er: TER A̱ ver u doo doo.