Genese 45:5 - ICIGHAN BIBILO

⁵ Kpa hegen yô, asema a̱ de vihin ne ga, shi i̱ de kera cier ne iyol er ne teem heen kpaa ga, gadia ka sha u yiman uma u ior, Aôndo A tindim er m̱ vande hemen a ven ye.

Genese 45:5 Iomraidhean Croise

Genese 37:28

Tsô Mbamidian mbazendenkasua mba va karen yô, ve kôr Yosev ve urugh ve due a mi shin ijôr la, ve tee Yosev, Mbaishemael yam sha agbenger a azurfa ikundu. Mbala yem a Yosev ken Igipiti.

Genese 47:25

Ve kaa er: U yima uuma asev, ma i doo terem a vese, tsô sé hingir ikpan i Farao.

Genese 50:19

Yosev kaa a ve er: De cie nen ga, mo m hingir Aôndo shinii?

Genese 50:20

Ne yô, kape iyange ne wa ishima a mo bogh je la, kpa Aôndo yô, lu a awashima u dedoo sha kwagh la, sha u Una yima ior kpishi er i lu nyian nahan.

Genese 50:21

Hegen yô, de cie nen ga, me koso ne kua ônov enev mba kiriki. Kape a sur ve asema, a ôr ve kwagh sha asema ve la.

2 Samuel 12:12

Gadia we u er kwagh ne myer; kpa Mo yô, Me er kwagh ne sha ashe a Iserael cii, ken igbar atetan je.

2 Samuel 17:14

Tsô Abesalom kua ior i Iserael cii ve kaa er: Mhen u Hushai Orarkiti ne, hemba mhen u Ahitofel. Gadia TER ver u i̱ bunde mhen u injaa u Ahitofel la, sha er TER Una va a kwaghbo sha Abesalom yô.

Eseter 4:14

Gadia aluer u huan ving hen shighe ne yô, iwasen man myom una va hen Mbayuda hen ma ijiir igen, kpa we a ya u teru yô, né tim; ka an nan fe, alaghga ka sha kwagh ne je man u zough a icivir i tor hen shighe ne ye gaa?

Yobu 1:21

a kaa er: Lu m duen ken iyav mbu ngôm idyelegh, shi ka idyelegh kpaa me hide ye; ka TER A ne ye, shi ka TER A ngohol kpaa ye; i̱ wuese iti i TER.

Luka 23:34

Tsô Yesu kaa er: Tere, de ve, gadia ve fa kwagh u ve lu eren ne ga. Man shi ve kar akondo a Na sha ishor i eren kpaa.

2 Mbakorinte 2:11

Ka sha u Satan a̱ de ye mtsera sha a vese ga yô. Se kera lan ayom a na ga.

2 Mbakorinte 2:7

Nahan yô, guda gema de nen nan kwagh la man shi sur nen nan ishima kpaa sha u ijungwen i tsung la i̱ de hembe nan ga yô.

Filemon 1:15

Alaghga lu sha ci u kwagh ne man a kera lu a we ga, sha anyangem kpeghee, sha u ú mase lun a na gbem ye.

1 Samuel 1:19

Ve mough pepe pepe, ve gure sha ishigh ki TER, ve civir Un, tsô ve hide hen ya ve hen Rama; Elkana yav a kwase na Hana; TER umbur un.