Genese 43:5 - ICIGHAN BIBILO

⁵ kpa aluer wea na un ga yô, sé za ga; gadia or la iyange kaa a vese er: Né kera nenge ishigh yagh ga, saa anngô wen una lu a ven.

Genese 43:5 Iomraidhean Croise

Genese 42:15

Ka sha kwagh ne man á kar ne ye: M bum uma u Farao je, né due heen ga, saa anngô wen u masetyô la una va heen ve.

Genese 42:20

za va nen a anngô wen u kiriki her a mo; ka nahan man kwaghôron wen una lu mimi, ne kpaa, né kpe ga ye. Ka ape ve er je la.

Genese 42:38

A kaa er: Wan wam una za a ven imôngo ga; gadia anngô na kpe, mase shin un tswen; aluer kwagh á za tser un sha gbenda u né ze la yô, zum la né na ivu yam ia sen shin Sheol a ishima i vihin.

Genese 43:3

Tsô Yuda kaa a na er: Or la kaa a vese gbang gbang er: Né kera nenge ishigh yagh ga, saa anngô wen la una lu a ven.

Genese 43:4

Aluer ú na anngô wase una za a vese imôngo yô, sé za shimi, sé za yam u kwaghyan;

Genese 43:6

Tsô Iserael pine er: Ka nyi ne er a mo dang nahan, ne kaa or la ner, ne mba a anngô ugene?

Genese 44:23

Kpa u kaa ikpan you wer: Aluer anngô wen u kiriki una va a ven imôngo ga yô, mayange né kera nenge ishigh yagh ga.

Genese 44:25

Ter wase kaa er: Shi za nen, za yam nen kwaghyan kpeghee.

Genese 44:26

Se kaa ser: Se fatyô u zan ga. Aluer anngô wase la una lu a vese imôngo yô, sé za, gadia sé fatyô u gba za nengen ishigh ki or la ga, saa anngô wase u masetyô una lu a vese imôngo.

Ekesodu 20:12

Civir teru man ngôu, er á seer we ayange ken tar u TER, Aôndo wou, A lu nan we yô.