Genese 43:3 - ICIGHAN BIBILO

³ Tsô Yuda kaa a na er: Or la kaa a vese gbang gbang er: Né kera nenge ishigh yagh ga, saa anngô wen la una lu a ven.

Genese 43:3 Iomraidhean Croise

Genese 43:2

Mba ye alakema u ve va a mi ken Igipiti la been yô, ter ve kaa a ve er: Shi za, za yam nen kwaghyan kpeghee.

Genese 43:4

Aluer ú na anngô wase una za a vese imôngo yô, sé za shimi, sé za yam u kwaghyan;

Genese 43:5

kpa aluer wea na un ga yô, sé za ga; gadia or la iyange kaa a vese er: Né kera nenge ishigh yagh ga, saa anngô wen una lu a ven.

Genese 44:23

Kpa u kaa ikpan you wer: Aluer anngô wen u kiriki una va a ven imôngo ga yô, mayange né kera nenge ishigh yagh ga.

2 Samuel 14:24

Tor kaa er: A̱ yem hen ya na, a̱ de nengen a ishigh yagh ga. Nahan Abesalom nyôr hen ya na, kpa a nenge a ishigh ki tor je ga.

2 Samuel 14:28

Abesalom lu ken Yerusalem anyom kuma ahar je, kpa a nenge a ishigh ki tor ga.

2 Samuel 14:32

Abesalom gema kaa a Yoabi er: Nenge ase, m tindi loho her a we, mer, va heen, me tindi u hen tor, za pine un wer, inja na nan man m hir ken Geshur? Guda u ma m lu keregh zan zan nyian; yô, kam pe nengen a ishigh ki tor; aluer mea lu a ibo yô, a̱ wuam tsô.

2 Samuel 3:13

A kaa er: Ka sha mi, me ya ikur a we, kpa kwagh ngum a we môm tsô, ú nenge a ishigh yagh ve ga, saa ú vam a Mikal wan u Saulu, shighe u ú vaan u va nengen mo yô.

Aerenakaa A Mbaapostoli 20:25

Hegen yô, nenge, m fa, ne cii mba m lu zenden her a ven, m lu ôron ne kwagh u tartor u Aôndo ne yô, kera zuan yen ishigh a mo ga.

Aerenakaa A Mbaapostoli 20:38

kwagh u hemban vihin ve yum je yô, ka kwagh u a kaa er, mayange vea kera zua ishigh a na ga la. Tsô ve ver un gbenda, ve ar shin tso.

Aerenakaa A Mbaapostoli 7:34

M nenge ican i lu eren nongoior Wam mba ve lu ken tar u Igipiti la je, shi M ungwa mtoghor ve kpaa, nahan M sen sha u yiman ve. Nahan yô, va, M̱ tindi u hen Igipiti.