Genese 43:23 - ICIGHAN BIBILO

²³ Tsô a kaa er: Ishima i̱ de nyian ne ga, de kera cie nen ga; Aôndo wen, Aôndo u ter wen na ne kwagh u doon ken aba a en; inyaregh yenegh iyange ki nyôr her a mo. Tsô a dugh Shimeon va kohol ve.

Genese 43:23 Iomraidhean Croise

Genese 42:24

Tsô a kar hen ve kera, a gba za vaan; hidi hen ve yô, a ôr kwagh a ve, a kôr Shimeon ken ve, a kange un sha ashe ve.

Genese 42:28

Tsô a kaa a anmgbianev nav er: I hidem a inyaregh yagh, kin ken iba wam ne; asema ta ve kwe, ve kenger ayol a ve, ve gba gbidyen akarkase iyol, kaan er: Ka nyi kwagh, Aôndo A er a vese nee?

Genese 42:36

Tsô Yakob ter ve, kaa a ve er: Ne sarem ya ve; Yosev ngu ga, Shimeon kpaa ngu ga, man ka ne pe kuan a Benyamin kpaa; kwagh tserem ve!

Genese 43:14

Aôndo Uhembanagee A̱ zungwe ne mhôônom hen or la, sha er una na ne gbenda a anngô wen la kua Benyamin kpaa yô, Mo yô, aluer i sarem ya yô, i sarem di je ve.

Genese 43:22

Shi se va a inyaregh kigenegh kpaa sha u va yamen kwaghyan; se fa or u yan nan hide a inyaregh yasegh nan wa ken aba ga.

1 Kroniku 12:18

Tsô Jijingi sen tema sha Amasai, orhemen u mba ikundugber la, a kaa er: Se mba mba ou Davidi; se mba tan ken a we je, we wan u Yese. Lu bem bem; man bem a̱ lu a mbawasen we kpaa; gadia Aôndo wou ngu wasen we. Nahan Davidi rumun ve ver ve mbahemenev mba ikumutya.

1 Kroniku 12:19

Mbamanase mbagenev kpaa pande za kohol Davidi, zum u a va a Mbafiliti imôngo, u va nôngon ityav a Saulu la (kpa a wase ve ga, gadia utor mba Mbafiliti hen imôngo, nahan ve na un gbenda er a̱ hide, ve lu kaan er: Una za kohol ter na Saulu nahan ityouv yasev mbia saa).

Esera 4:17

Tsô tor tindi Rehum orjir u tamen la a imo, kua Shimshai orngeren kua nongo ve mba ve lu ken Samaria man mbagenev mba yande Ifi la er: Bem.

Luka 10:5

Hanma ya u nea nyôr kpaa, vande kaan nen ner: Bem a̱ lu hen ya ne.

Luka 24:36

Tsô mba ngur ôron akaa ne nahan yô, Un iyol Na va tile ve her atô.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 20:19

Tsô iyange i Lahadi la i been yô, man er hunda kpaa lu vingir ape mbahenen kohol sha ci u cian Mbayuda la yô, Yesu va va tile her atô ve, kaa a ve er: Bem a̱ lu sha a ven.

YOHANE 20:21

Tsô Yesu shi kaa a ve er: Bem a̱ lu sha a ven. Er Ter A tindim yô, Mo kpaa M ngu tindin ne nahan.

YOHANE 20:26

Ayange nga kar anigheni yô, mbahenen Nav shi kohol ker, Toma kpaa lu a ve. Tsô Yesu va er ihinda lu vingir, A va tile her atô A kaa er: Bem a̱ lu sha a ven.

Mbaajiriv 19:20

Tsô tamenor la kaa er: Bem a̱ lu sha a we! Hanma kwagh u a ban u cii me na u; de tse hen tembe ga.

Mbaajiriv 6:23

Tsô TER kaa a na er: Ishima i̱ de nyian we ga, de cie ga; ú kpe ga.

1 Samuel 25:6

shi kaa nen un ner: Se sugh u! Bem a̱ lu sha a we, bem a̱ lu sha ya wou man shi bem a̱ lu sha akaa a u lu a mi cii.