Genese 42:9 - ICIGHAN BIBILO

⁹ Tsô Yosev umbur mnyam ma ma cie un a ve la, a gema a kaa a ve er: Ne mba mbamkerev, ne va sha u va nengen ian i nyôron ken tar ne.

Genese 42:9 Iomraidhean Croise

Genese 37:11

Anngôôv nav lu nôngon un iwuhe; kpa ter na yô, lu a kwaghôron la ken ishima na.

Genese 42:16

Tindi nen or wen môm, nana̱ za va a anngô wen la; ne yô, hire lu nen uikangen, sha er á kar kwaghôron wen, shin ne mba a mimi jeo á lu nahan ga yô, m bum uma u Farao, mimi je ne mba mbamkerev.

Genese 42:34

za va nen a anngô wen u kiriki hen mo; nahan me fa er ne lu mbamkerev ga, kpa ne lu ior mba mimi yô; nahan me na ne anngô wen, man né lu a ian i zenden kasua ken tar ne ye.

2 Samuel 10:3

Kpa atiator a Mbaamon gema kaa a ter ve Hanun er: U ngu fan wer, Davidi ngu civir teru, sha er a tindi mbayaren we ku yôô? Davidi kera tindi mbayev nav hen a we ka sha u ve̱ va nenge aker, ve̱ fa akaa a ken gar, man ve̱ va hembe un kpaa gaa?

Ekesodu 32:35

Kape TER tsaha ior mbala, sha ci u wanbua u Aron a er la.

Numeri 13:2

Tindi ior ve̱ za nenge mker ken tar u Kanaan u M lu nan Mbaiserael la; tsuwa or ken hanma kwe u uter vev, ve cii ve̱ lu mbahemenev.

Luka 20:20

Ve gba kuran Un, ve shi ve tindi mbamkerev mba ve er inja er ve mba ior mba mimi yô, sha u vea zua a ityôkwagh sha kwaghôron Na, sha u vea na Un sha ikev i gomna kua ijirôron i gomna kpaa.

Mbaheberu 11:31

Ka sha jighjigh u nan man Rahabi agbagakwase la tim a mbahembanato imôngo ga ye, gadia a nyôr a mbamkerev mbala bem bem.

Yosua 2:1

Tsô Yosua wan u Nun tindi mbamkerev ior ihiar myer, ve mough hen Shitim, a kaa a ve er: Za za nenge nen tar la kua Yeriko. Tsô ve za nyôr hen ya u idyakwase, iti na er Rahabi, ve tsa her.

Yosua 6:23

Tsô mbayevikaior, mbamkerev mbala, ve nyôr ve due a Rahabi kua ter na man ngô na man anngôôv nav kua akaa a na cii; ve due a ior nav cii, ve va ver ken akôngoafogh a Iserael.

Mbaajiriv 1:24

Mbanengenmker mbala ve nenge orgen nan lu duen ken gar, ve kaa a nan er: Shi tese se hunda u nyôron ken gar, yô, sé er a we dedoo.

1 Samuel 26:4

Davidi tindi mbamkerev, nahan a fa er Saulu a ve mimi yô.